ލޯކަލް ޓުއަރިޒަމަށާއި ގެސްޓްހައުސް ވިޔަފާރިއަށް ހުރި ފުރުޞަތުތަކަށް ހޭލުންތެރިކަން އިތުރުކުރުމުގެ ގޮތުން އަތޮޅުފެންވަރުގައި ޕްރޮގްރާމެއް ގެސްޓްހައުސް އެސޯސިއޭޝަން އޮފް މޯލްޑިވްސްއާއި ގުޅިގެން 2024 މެއި 15ން 16ށް ކުރިއަށް ގެންދެވިފައިވެއެވެ. މިޕްރޮގްރާމް ހިންގުމަށް ގެސްޓްހައުސް އެސޯސިއޭޝަން އޮފް މޯލްޑިވްސްގެ އިތުރުން އެމް.އެމް.ޕީ.އާރު.ސީއާއި، ބޭންކް އޮފް މޯލްޑިވްސް އަދި އެސް.އެމް.އީ ބޭންކް އިން ފަންނީ އެހީތެރިކަން ފޯރުކޮށްދެއްވާ ސެޝަންތައް ކުރިއަށް ގެންގޮސްދެއްވާފައިވެއެވެ. 02 ދުވަހުގެ މުއްދަތަށް ކުރިއަށްގެންދެވުނު މި ޕްރޮގްރާމްގައި ށ. އަތޮޅުގައި ލޯކަލް ޓުއަރިޒަމަށާއި ގެސްޓްހައުސް ވިޔަފާރިއަށް ހުރި ފުރުޞަތުތަކާއި، ވިޔަފާރި ރަޖިސްޓްރީ ކުރުމާއި ވިޔަފާރި ފަށާ ކުރިއަށްގެންދާނެ ގޮތާއި ދިމާވާ ގޮންޖެހުންތަކަށް ހައްލުހޯދާނެ ގޮތުގެ މައުލޫމާތު ބައިވެރިންނަށް ދެވިފައިވެއެވެ. އާއްމުކޮށް ހުރިހާ ފަރާތްތަކަށް ހުޅުވައިލެވިގެން ކުރިއަށް ގެންދެވުނު މި ޕްރޮގްރާމްގައި ރަށްރަށުގެ ކައުންސިލްތަކާއި އ.ތ.މ ކޮމިޓީ ތަކުގެ މެންބަރުންނާއި ވިޔަފާރިވެރިންނާއި މިއަތޮޅުގައި ހަރަކާތްތެރިވާ ޖަމްއިއްޔާ ޖަމާއަތްތަކާއި އާއްމު ފަރުދުން ބައިވެރިވެފައިވެއެވެ. އެ ގޮތުން ޖުމްލަ 34  ބައިވެރިޔަކު މި ޕްރޮގްރާމްގައި ބައިވެރިވެފައިވެއެވެ.

ލޯކަލް ޓުއަރިޒަމަށާއި ގެސްޓް ހައުސް ވިޔަފާރިއަށް ހުރި ފުރުޞަތުތަކަށް ހޭލުންތެރިކުރުމަށް ޕްރޮގްރާމްއެއް ހިންގުން

ފާމް ޤާއިމްކުރުމަށް ބޭނުންވާ ތަކެތި ގަތުމަށް ބީލަން ކުރެވި މަސައްކަތް އެވާޑުކުރުމުގެ މަރުޙަލާ ކުރިއަށް ގެންދެވެމުންދެއެވެ.

ޒަމާނީ ދަނޑުވެރިކަން އަތޮޅަށް ތަޢާރަފްކުރުމަށް އޮޓޯ ޕޮޓް ގްރީން ހައުންސް ފާރމިންގ މޮޑެލްއެއް ގާއިމްކުރުން 

ޕްރޮގްރާމް ރޭވުމާއި އިދާރީ މަސައްކަތްތައް ކުރިއަށްދަނީ

ފަޅުރަށްތައް ހޯދައި އަތޮޅު ރައްޔިތުންގެ މަންފާއަށް ބޭނުންކުރުން

 މައުލޫމާތު ކަރުދާހާއި ކުރެހުންތަށްނިމި މަސައްކަތުގެ ހުއްދަހޯދުމުގެ މަސައްކަތްތައް ކުރެވެމުންދެެއެވެ.

ކައުންސިލުގެ އާމްދަނީ އިތުރުކުރުމަށް އިންވެސްޓްކުރުން

މިނިސްޓްރީ އޮފް ފިނޭންސްގެ ފަންނީ ބޭފުޅުންގެ އެހީތެރިކަމާއިއެކު ޕްރޮގްރާމް 2024 އޮގަސްޓް މަހުގެ ތެރޭގައި ކުރިއަށް ގެންދެވިފައިވެއެވެ. މިޕްރޮގްރާމްގައި އަތޮޅުގެ 14 ރަށުގެ ކައުންސިލްތަކުގެ މުވައްޒަފުންގެ އިތުރުން ފުނަދޫގެ ސަރުކާރުގެ މުވައްސަސާތަކުގެ ކަމާއި ގުޅުންހުރި މުވައްޒަފުން ބައިވެރިވެލައްވާފައިވެއެވެ.

މާލިއްޔަތު ޤަވާއިދަށް އަހުލުވެރިކުރުމަށް ޕްރޮގްރާމްއެއް ހިންގުން

ފެބްރުއަރީ މަހުގެ ތެރޭ އަދި ޖޫން މަހުގެ ތެރޭގައި ޓްރޭނިންގް ސެޝަން ކުރިއަށް ގެންދެވި ތާވަލާއި އެއްގޮތަށް މަސައްކަތް ކުރިއަށް ގެންދެވެމުންދެއެވެ.

މުވައްޒަފުންނަށް ޖެމްސް ޓްރެއިނިންގްއެއް ހިންގުން

 ފެސިލިޓޭޓަރުން ނުލިބުމުގެ ސަބަބުން ކުރިއަށް ނުގެންދެވި، އަހަރުގެ ފަހު ހަމަހުގެ ތެރޭގައި ކުރިއަށް ގެންދިއުމަށް އަލުން ތާވަލު ކުރެވިފައިވެއެވެ.

މުވައްޒަފުންނާއި ކައުންސިލަރުން އޮފީސް 365އަށް  އަހުލުވެރިކުރުމުގެ ޓްރޭނިންގް

  ތަމްރީން ޕްރޮގްރާމް ފެބްރުއަރީ މަހުގެ ތެރޭގައި ކުރިޔަށް ގެންދެވިފައިވެއެވެ.

އިދާރީ ހިންގުން ހަރުދަނާކުރުމަށް ރަށުކައުންސިލުތަކުގެ އިސްމުއައްޒަފުން ތަމްރީނުކުރުން 

ތާވަލާއި އެއްގޮތަށް ފެބްރުއަރީ މަހުގެ ތެރޭގައި ކުރިއަށް ގެންދެވިފައިވެއެވެ.

މުވައްޒަފުންގެ ތަޖުރިބާ ދަތުރު

ބޭނުންވާ ތަކެތި ގަނެ ފުލުހުންނާއި ހަވާލުހުރުމުގެ މަސައްކަތް ކުރިއަށްދެއެވެ.

ފުލުހުންނަށް ބޭނުންވާ އަސާސީ ވަޞީލަތް ހަމަކުރުމަށް އެހީވުން 

އެލްޖީއޭގެ އެހީތެރިކަމަށް އަދި  ހުއްދަ ހޯދުމަށް ފޮނުވިފައިވެއެވެ.

އަތޮޅު ކައުންސިލްގެ ތަޖުރިބާ ދަތުރު

 ތާވަލާއި އެއްގޮތަށް ކުރިއަށް ގެންދެވެމުންދެއެވެ.

 މަޢުލޫމާތާއި ހުނަރު އަދި ވަޞީލަތްތައް ހިއްސާކުރުން 

ިންތިޒާމްތައް ހަމަޖެހިފައިވީނަމަވެސް، އަހަރުގެމިހާތަނަށް އަދި އެއްވެސް ވަފުދެއްޒިޔާރަތް ކޮށްފައި ނުވާކަމަށް ފާހަގަކޮށްލެވެއެވެ.

ބޭރުގައުމުތަކުގެ ވަފުދުތަކަށް މަރުޙަބާކިޔުން 

އުސޫލުއެކުލަވާލެވި އިދާރީ މަސައްކަތްތައް ކުރެވެމުންދެއެވެ.

ރަށު ކައުންސިލްތަކާއި އ.ތ.މ ކޮމެޓީތަކުގެ އިންޓަރނަލް އޮޑިޓް

 އޮގަސްޓް މަހުގެ ތެރޭގައި އެލް.ޖީ.އޭ އަދި އައި.އާރު.އައިގެ އެހީތެރިކަމާއިއެކު ކުރިއަށް ގެންދިއުމަށް ރޭވިފައިވެއެވެ.

ކައުންސިލްގެ ވެބްސައިޓް އަޕްގްރޭޑް ކުރުން

ކޮމްޕިއުޓަރތަކާއި ނެޓްވޯކު އަޕްގްރޭޑްކުރުމުގެ މަސައްކަތް ނިމިފައިވެއެވެ.

ކައުންސިލުގެ ކޮމްޕިއުޓަރތައް އަދި ނެޓްވޯކު އަޕްގްރޭޑްކުރުން 

އޮގަސްޓް މަހުގެ ތެރޭގައި އެލް.ޖީ.އޭ އަދި އައި.އާރު.އައިގެ އެހީތެރިކަމާއިއެކު ކުރިއަށް ގެންދިއުމަށް ރޭވިފައިވެއެވެ.

ތަފާސްހިސާބު އާއްމު ކުރެވޭނެ ޕޯޓަލްއެއް ގާއިމްކުރުން

ޕްރޮގްރާމްގެ އިދާރީ މަސައްކަތްތައް ކުރިއަށްދެއެވެ.

އޯޕަން ވޯޓަރ ޑައިވަރުން ތަމްރީނުކުރުން

އިދާރީ މަސައްކަތްތައް ކުރެވެމުންދެއެވެ.

ކެރިއަރ ގެއިޑެންސް ޕްރޮގްރާމް

އިދާރީ މަސައްކަތްތައް ކުރެވެމުން ދެއެވެ.

 އޮގަސްޓް މަހު ޕްރޮގްރާމް ކުރިއަށް ގެންދިއުމަށް އިދާރީ މަސައްކަތްތައް ކުރެވެމުންދެއެވެ.

ެއޮރޮބިކްސް އިންސްޓްރަކްޓަރުން ތަމްރީނުކުރުން

ޕްރޮގްރާމްހިންގާ ތާރީހަށް ބަދަލުގެނެވި ޖުލައިމަހު ތަމްރީން ޕްރޮގްރާމް ފެށުމަށް ކަނޑައެޅިފައިވެއެވެ.

ފުޓްސަލް ރެފްރީން ތަމްރީނުކުރުން

ޕްރޮގްރާމް ކުރިއަށްގެންދާނެ ތާރީޚް ކަނޑަ އެޅިފައިވެއެވެ.

އަތޮޅު ހޭންޑްބޯލް މުބާރާތް

ިމާވެށީގެ ދުވަހާއި ގުޅުވައިގެން އަތޮޅުގެ މީހުން ދިރިއުޅޭ ހުރިހާ ރަށެއްގައި ޕްރޮގްރާމް ކުރިއަށް ގެންދެވިފައިވެއެވެ.

އަތޮޅުގެ ރަށްރަށުގައި ރުއް/ ގަސް އިންދުމުގެ ޕްރޮގްރާމެއް ހިންގުން

 ދުނިޔޭގެ ކަނޑުތަކުގެ ދުވަހާއި ގުޅުވައިގެން އަތޮޅުގެ މީހުން ދިރިއުޅޭ ހުރިހާ ރަށެއްގައި ޕްރޮގްރާމް ކުރިއަށް ގެންދެވިފައިވެއެވެ.

ކޯސްޓަލް ކްލީނިނގް ޕްރޮގްރާމް 

ބީލަން މަރުޙަލާ ނިމި އެގްރީމެންޓްގައި ސޮއިކުރުމުގެ މަރުހަލާގައެވެ.

އަތޮޅު ކައުންސިލްގެ އިދާރާގައި ބޭނުންކުރާ ޙަކަތަ އިޔާދަކުރުވަނިވި ޙަކަތައަށް ބަދަލުކުރުން

ޕްރޮގްރާމްގެ އިދާރީ މަސައްކަތްތައް ކުރެވެމުންދެއެވެ.

ކުނި މެނޭޖުކުރުމަށް ވަޞީލަތް ޤާއިމްކުރުން

ލިވް އެންޑް ލާން އަދި އައި.އާރު.އައި އާއި ގުޅިގެން ވޭސްޓް މެނޭޖުމަންޓް ޕްލޭން އެކުލަވާލުމުގެ މަސައްކަތް ކުރިއަށް ގެންދެވި ފުރަތަމަ ޑްރާފްޓް އެކުލަވާލެވިފައިވެއެވެ.

އަތޮޅު ފެންވަރުގައި ކުނި މެނޭޖުކުރުމުގެ ޕްލޭން އެކުލަވާލުން

 ހޭލުންތެރިކަން އިތުރުކުރުމުގެ މެޓީރިއަލް ތަކުގެ އިދާރީ މަސައްކަތްތައް ނިމި، ރަށު ކައުންސިލްތަކާއި ގުޅިގެން ސެޕްޓެންބަރ މަހު މިހަރަކާތް ކުރިއަށް ގެންދިއުމަށް ވަނީ ހަމަޖެހިފައިވެއެވެ.

ކުނި މެނޭޖުކުރުމަށް އާއްމުން ހޭލުންތެރިކުރުން

އިދާރީ މަސައްކަތްތައް ނިމި، ރަށު ކައުންސިލްތަކާއި ގުޅިގެން ސެޕްޓެންބަރ މަހު މިހަރަކާތް ކުރިއަށް ގެންދިއުމަށް ވަނީ ހަމަޖެހިފައިވެއެވެ.

މޫސުމީ ބަދަލުތަކަށް ވިލުންވެރި މުޖުތަމައެއް އުފެއްދުމަށް ހޭލުންތެރިކުރުމުގެ ޕްރޮގްރާމެއް ހިންގުން

ޕްރޮގްރާމްގެ އިދާރީ މަސައްކަތްތައް ކުރިއަށް އެބަދެއެވެ.

ރަށު ކައުންސިލްތަކާއި ގުޅިގެން ރަށްވެހި ތަރަްޤީގެ ޕްރޮގްރާމްތައް ހިންގުން

އުސޫލުއެކުލަވާލެވި އިވަލުއޭޝަންއަށް ފޮނުވިފައިވެއެވެ.

އ.ތ.މ ކޮމެޓީތަކާއި ގުޅިގެން ޕްރޮގްރާމްތައް ހިންގުން

 އުސޫލު އެކުލަވާލެވި މައުލޫމާތުއެއްކޮށް، އެމައުލޫމާތު ވަޒަންކުރުމުގެ މަސައްކަތްތައް ތާވަލާއި އެއްގޮތަށް ކުރިއަށް ދެއެވެ.

އ.ތ.މ ކޮމެޓީތައް މިންކުރުން

 މުބާރާތުގެ ޤަވާއިދު ޑްރާފްޓް އެކުލަވާލައި، މުބާރާތް ބާއްވާ ތާރީޚަށް ބަދަލުގެނެވި އިދާރީ މަސައްކަތްތައް ކުރެވެމުންދެއެވެ.

ވާހަކަ ދެއްކުމުގެ މުބާރާތް

 ދުވަސް ފާހަގަކުރާނެ ރަށެއް ކަނޑައެޅުމަށް އިވެލުއޭޝަން ކްރައިޓީރިއާ އެކުލަވާލެވި ޕްރޮޕޯސަލް ހުށައެޅުމަށް ހުޅުވާލެވިފައިވެއެވެ.

އަތޮޅު ފެންވަރުގައި ޤައުމީ ދުވަސް ފާހަގަކުރުން

އެހެން އަހަރުތަކެކޭ އެއްގޮތަށް ފާއިތުވި 1445 ވަނަ އަހަރުގެ ޢަލްހާ ޢީދު، ކުލަބް ޖަމިއްޔާތަކާއި ރަށްރަށު ކައުންސިލްތަކާއި ގުޅިގެން ށ.އަތޮޅުގެ ހުރިހާ ރަށެއްގައި ވަރަށް ކުލަގަދަކޮށް ވަނީ ފާހަގަ ކޮށްފައެވެ. ދީނާއި ޘަޤާފަތާއި ތަރިކަރަށްކާތެރި ކުރުމާއި ޤައުމިއްޔަތު ދިރުވާ އާލާކުރުމަށް ހިއްވަރު ދިނުމުގެ ގޮތުން މި ކައުންސިލްގެ މަސައްކަތު ތާވަލުގައި ހިމަނައިގެން ހިންގާ މި ޕްރޮގްރާމުގައި، ބޮޑު ޢީދުގެ ހަރަކާތްތަށް ކުރިޔަށް ގެންދިއުމަށް ޝައުގުވެރިން ފާޅުކޮށް ޕްރޮޕޯސަލް ހުށައެޅި، މި އަތޮޅުގެ ކޮންމެ ޖަމިއްޔާއަކަށް އަތޮޅު ކައުންސިލުގެ ބަޖެޓުންވަނީ ފައިސާގެ އެހީތެރިކަން ފޯރުކޮށްދީފައެވެ. އެގޮތުން ޖުމްލަ -/70،000 (އައްދިހަހާސް ރުފިޔާ) ވަނީ އެހީގެ ގޮތުގައި ޖަމިއްޔާތަކަށް ދޫކުރެވިފައިކަން ފާހަގަ ކުރަމެވެ. 

ބޮޑު އީދު ޖަމިއްޔާތަކާއި ގުޅިގެން ފާހަގަކުރުން

ދީނީ ދަރުސް ޕްރޮގްރާމް

ސެޕްޓެމްބަރ 19އިން 21އަށް ށ.އަތޮޅު ޤުރުއާން މުބާރާތްވަނީ ގެންދެވިފައެވެ. ނިމިދިޔަ 2022 އަދި 2023 ވަނަ އަހަރެކޭ އެއްފަދައިން މިއަހަރުވެސް މި މުބާރާތް ބޭއްވުނީ ށ.ފުނަދޫގައެވެ.
12 ސްކޫލަކުން މި މުބާރާތުގައި ބައިވެރިވެފައިވާއިރު މިއީ މިހާތަނަށް އެންމެ ގިނަ ދަރިވަރުން މި މުބާރާތުގައި ބައިވެރިވެފައިވާ އެއް އަހަރުކަން ފާހަގަ ކޮށްލެވެއެވެ.
ޖުމްލަ 105 ދަރިވަރުންގެ ބައިވެރިވުމާއެކު ކުރިއަށް ގެންދެވުނު މި މުބާރާތުގެ ފަޚުރުވެރި އެއްވަނަ ޙާޞިލު ކޮށްފައިވަނީ މިލަންދޫ ސްކޫލުންނެވެ.
އަދި ދެވަނަ ސްކޫލްގެ މަޤާމު ފޭދޫ ސްކޫލުން ހޯދާފައިވާއިރު ތިންވަނަ ސްކޫލްގެ މަޤާމުވަނީ ބިލެތްފަހި ސްކޫލްއިން ހޯދާފައެވެ.

އަތޮޅު ޤުރުޢާން މުބާރާތް

މި މުބާރާތްވަނީ 19 ސެޕްޓެމްބަރ އިން 21 ސެޕްޓެމްބަރގެ ނިޔަލަށް ކުރިއަށް ގެންދެވިފައެވެ..

ކީރިތި ޤުރުއާނާއި ބެހޭޤައުމީ މަރުކަޒުން އިންތިޒާމުކޮށްގެން "ޤުރުޢާން ކިޔެވުމުގެ 36ވަނަ ޤައުމީ މުބާރާތް" 29 ޖޫން 2024ން 12 ޖުލައި 2024ށް ކުރިއަށް ގެންދެވިފައި ވަނީ މާލޭގައެވެ. މި މުބާރާތުގައި މި އަތޮޅުގެ 08 ރަށަކުން ޖުމްލަ 19 ދައިވަރުންވަނީ ބައިވެރިވެފައެވެ.  މި މުބާރާތުގައި މި އަތޮޅުން ބައިވެރިވި 19 ދަރިވަރުންގެ ދެކޮޅު ޓިކެޓާއި ކޮންމެ ދަރިވަރަކަށް އެލަވެންސެއް ކައުންސިލްގެ ބަޖެޓުންވަނީ ހަމަޖައްސާދެވިފައެވެ. އަދި ދަރިވަރުނަނާއި އެކު ބައިވެރިވާ އޮފިޝަލްގެ ދެކޮޅު ޓިކެޓާއި އެކޮމަޑޭޝަންވެސް ވަނީ މިކައުންސިލުން ހަމަޖައްސަވައިދެވިފައެވެ. 
މި ޕްރޮގްރާމަކީ ދީނާއި، ޘަޤާފަތާއި ތަރިކަ ރައްކާތެރިކުރުމާއި ޤައުމިއްޔަތު ދިރުވާ އާލާކުރުމަށް މިކައުންސިލްގެ މަސައްކަތު ތާވަލުގައި ހިމަނައިގެން ކުރިއަށް ގެންދެވުނު ޕްރޮގްރާމެކެވެ. މިޕްރޮގްރާމަށް އަތޮޅު ކައުންސިލްގެ ބަޖެޓުން -/49،894 (ސާޅީސް ނުވަހާސް އަށްސަތޭކަ ނުވަދިހަ ހަތަރު ރުފިޔާ) ވަނީ ޚަރަދު ކުރެވިފައެވެ. 


ގައުމީ ޤުރުޢާން ކިޔެވުމުގެ މުބާރާތުގައި ބައިވެރިވުން

    2023 ވަނައަހަރު މިއަތޮޅުގެ ސްކޫލްތަކުގެ ދަރިވަރުން ހޯދައިފައިވާ ކާމިޔާބީގެ އަގުވަޒަން ކުރުމުގެ ގޮތުން، ސްކޫލްތަކުގެ އަހަރީ އިނާމު ދިނުމުގެ ޖައްސާލާތަކަށް މި ކައުންސިލުންވަނީ އިނާމް ހުށައަޅާފައެވެ. އެގޮތުން މި އަތޮޅުގެ 13 ސްކޫލެއްގެ ޖުމްލަ 38 ދަރިވަރަކަށް، ތައުލީމީގޮތުން އެދަރިވަރުން ހޯދި ކާމިޔާބީގެ އަގުވަޒަންކޮށް އިނާމު ދެވިފައިވެއެވެ. "ވިޔަވަތި އިނާމު" ގެ ނަމުގައި ކޮންމެ އަހަރަކުވެސް މިކައުންސިލުން ކުރިއަށްގެންދާ މި ޕްރޮގްރާމަކީ، ކައުންސިލްގެ މަސައްކަތު ތާވަލްގައި ހިމެނިގެން ކުރިއަށްގެންދާ ޕްރޮގްރާމެކެވެ. މި އަހަރު މި އިނާމަށްއެދި ހުށައެޅި ހުރިހާ ސްކޫލަކަށް މިހާރު އިނާމުތައް ހަވާލުކުރެވިފައިވާއިރު، މި ޕްރޮގްރާމް ކުރިއަށް ގެންދިއުމަށް މިކައުންސިލްގެ ބަޖެޓުން މިހާތަނަށް ޖުމްލަ -/ 7,995 (ހަތްހާސް ނުވަސަތޭކަ ނުވަދިހަ ފަސްރުފިޔާ) ވަނީ ހަރަދުކުރެވިފައެވެ. 

ސްކޫލު އަހަރީ އިނާމުދިނުމަށް ޖަލްސާތަކަށް އިނާމު ހުށައެޅުން 

މިއަހަރުގެ ފުރަތަމަ 06މަސް ދުވަހުގެ ތެރޭގައި ށ.އަތޮޅުގެ 03 ރަށެއްގައި "ސީ" ޒޯން ލައިސަންސް ބުރުތަކެއްވަނީ ކުރިޔަށްގެންދެވިފައެވެ. އެގޮތުން ކަނޑިތީމު، ފޯކައިދޫ އަދި ނޫމަރާގައި ކުރިއަށްގެންދެވުނު މި ޕްރޮގްރާމްގައި ޖުމްލަ 190 ފަރާތަކުންވަނީ ބައިވެރިވެފައެވެ. 

ފުރަތަމަ 06 މަސްދުވަހުގެ ތެރޭގައި ރަށްރަށުގައި "ސީ" ޒޯން ލައިސެންސް ބުރުތައް ބޭއްވުމަށް އަތޮޅުކައުންސިލްގެ ބަޖެޓުން ޖުމްލަ -/10،500 (ދިހަހާސް ފަސްސަތޭކަ ރުފިޔާ) ޚަރަދު ކުރެވިފައިވެއެވެ. 
މީގެ އިތުރުން އެއްގަމާއި ކަނޑު އުޅަދުފަހަރާ ގުޅުންހުރި އެހެނިހެން ޚިދުމަތްތައްވެސް، އެކަމަށް ކަނޑައެޅިފައިވާ އުސޫލާއި އެއްގޮތަށް ކުރިއަށް ދާކަންފާހަގަކުރަމެވެ. 

ރަށްރަށުގައި "ސީ" ޒޯން ލައިސަންސް ބުރުތައް ބޭއްވުން 

 ޚިދުމަތް ފެށުމަށް ބޭނުންވާ މެޝިނަރީސް ހޯދުމާއި، އިދާރާއަށް ގެންނަންޖެހޭ ބަދަލުތައް ގެނައުމުގެ މަސައްކަތް ކުރެވެމުންދެއެވެ.

އަތޮޅު ކައުންސިލު އިދާރާގައި ޕާސްޕޯޓު ކަލެކްޓިންގް ޕޮއިންޓެއް ގާއިމްކުރުން

 ޕްރޮޕޯސަލްތައް ލިބި އިވެލުއޭޝަން ކޮމެޓީ އެކުލަވާލުމަށް ކައުންސިލަށް ހުށައެޅިފައިވެއެވެ.

ޖަމިއްޔާ ގްރާންޓް ޕްރޮގްރާމް

 ޕްރޮގްރާމް ރޭވުމާއި، ފެސިލިޓޭޓަރުން ހޯދުމުގެ މަސައްކަތް ކުރިއަށްދެއެވެ.


ޒުވާން ދަނޑުވެރިން ތަމްރީނުކުރުން

ފުލުހުންނާއި މަޝްވަރާކުރެވި ޕްރޮގްރާމް ޝެޑިއުލް އެކުލަވާލުމުގެ މަސައްކަތް ކުރިއަށްދެއެވެ.

ކުށްކުރުން މަދުކުރުމަށް ހޭލުންތެރިކުރުވުމުގެ ޕްރޮގްރާމްތައް ހިންގުން

ށ.އަތޮޅު ކައުންސިލުން އިންތިޒާމްކޮށްގެން ބޭއްވި އަތޮޅު ޤުރްއާން މުބާރާތް 2024 އެންމެ މޮޅު ދަރިވަރަށް ފަރީ ޙައްޖު އެންޑް ޢުމްރާ ގުރޫޕުން ހުށައެޅި ޢުމްރާ ދަތުރު މިލަންދޫ ސްކޫލުގެ ފާޠިމަތު ސިލީން އަޙްމަދު އާޠިފް އަށް ލިބިއްޖެއެވެ.  ފާޠިމަތު ސިލީން މި އަހަރުގެ މުބާރާތުގައި ވާދަކޮށްފައި ވަނީ ކީސްޓޭޖް 4ގެ އުމުރުފުރާއިން ހިތުން ކިޔެވުގެ ގޮފިންނެވެ.

މުބާރާތުގެ ހުރިހާ ގޮތަކުން އެންމެ މޮޅު ދަރިވަރަކަށް ފާޠިމަތު ސިލީން ހޮވިފައިވާއިރު، އޭނާ ވާދަކުރި އުމުރުފުރާއިން، ހިތުންކިޔެވުމުގެ ގޮފިން ވެސް ވަނީ 1 ވަނަ ހޯދާފައެވެ.

ށ.އަތޮޅު ޤުރްއާން މުބާރާތް 2024ގެ 1 ވަނަ ސްކޫލަކަށް މިލަންދޫ ސްކޫލު ހޮވިފައިވާ އިރު 2ވަނަ ސްކޫލަކަށް ހޮވިފައިވަނީ ށ.ފޭދޫ ސްކޫލެވެ. އަދި 3ވަނަ ސްކޫލަކަށް ހޮވިފައިވަނީ ބިލެތްފަހީ ސްކޫލެވެ.

މުބާރާތުގެ ޚާއްޞަ ވަނަތަކަށް އިނާމުދެއްވީ މުބާރާތުގެ ނިންމުމުގެ ރަސްމިއްޔާތުގެ ޝަރަފުވެރި މެހުމާނު މިނިސްޓަރ އޮފް ސްޓޭޓް ފޮރ ސިޓީސް ލޯކަލް ގަވަރމަންޓް އެންޑް ޕްބްލިކް ވޯކްސް އަލްއުސްތާޛް މޫސާ ފަތުޙީ އާދަމްއެވެ. އެގޮތުން 1 ވަނައަށް ދިޔަ ސްކޫލަށް 15000 ރުފިޔާ،   2ވަނައަށް 7000  ރުފިޔާ އަދި 3 ވަނައަށް 5000 ރުފިޔާ އާއި އެކު ޓްރޮފީއެއް އަތޮޅު ކައުންސިލުން ވަނީ  ހުށައަޅާފައެވެ. 

ފަރީ ޙައްޖު އެންޑް ޢުމްރާ ގްރޫޕްގެ ޢުމްރާ ދަތުރު ފާޠިމަތު ސިލީންއަށް 

ށ.އަތޮޅުކައުންސިލާ ގުޅިގެން ރަށްވެހިތަރައްގީގެ ޕްރޮގްރާމްތައް ހިންގުމަށް ޝައުގުވެރިކަން ފާޅުކޮށް، ޕްރޮޕޯސަލް ހުށައެޅި ޖަމިއްޔާތަކާއި، އ.ތ.މ ކޮމެޓީތަކުގެ ތެރެއިން ޕްރޮޕޯސަލް ކާމިޔާބުކުރި ފަރާތްތަކާއެކު އެއްބަސްވުމުގައި ސޮއިކޮށްފިއެވެ. މިއީ ށ.އަތޮޅުގެ ޖަމިއްޔާތަކާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކުގެ ހަރަކާތްތެރިކަން އިތުރުކުރުމާއި، ށ.އަތޮޅުގެ ރައްޔިތުންނަށް ލާބަހުރި މަސައްކަތްތައް ހިންގުމުގައި ޖަމިއްޔާތަކާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކަށް އެއްބާރުލުން ދިނުމަށާއި އެފަރާތްތަކާއި ށ.އަތޮޅުކައުންސިލާއި އޮންނަ ގުޅުން ބަދަހިކުރުމުގެ މަޤްޞަދުގައި ކުރިއަށްގެންދެވޭ ޕްރޮގްރާމެކެވެ.

މިއަހަރު ޕްރަޕޯސަލް ހުށަހަޅާފައިވާ ޖަމިއްޔާތަކުގެ ތެރެއިން ޕްރަޕޯސަލް ކާމިޔާބުކޮށްފައިވާނީ ށ. ކަނޑިތީމު ބްލޫގިލްޑް ފައުންޑޭޝަނާއި، ށ. ޅައިމަގު އެކުވެރިންގެ ރޫޙް އާއި، ށ. ފުނަދޫ ޔުނިޓީ ސްޕޯޓްސް އެކަޑަމީއިންނެވެ.   އަންހެނުން ތަރައްޤީއަށް މަސައްކަތްކުރާ ކޮމެޓީތަކުގެ ތެރެއިން ޕްރޮޕޯސަލް ކާމިޔާބުކުރީ ށ. ފުނަދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީ އާއި، ށ. މިލަންދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީ އާއި، ށ. މާއުނގޫދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީއެވެ.

މި އެއްބަސްވުންތަކުގެ ދަށުން ޖަމިއްޔާތަކުން ހިންގާ ޕްރޮގްރާމްތަކަށް އަތޮޅު ކައުންސިލުން 300000 (ތިންލައްކަ ރުފިޔާ)ގެ އެހީތެރިކަން ފޯރުކޮށްދޭނެއެވެ. އަދި އަންހެނުން ތަރައްގީއަށް މަސައްކަތްކުރާ ކޮމެތީތަކުން ހިންގުމަށް ކަނޑައަޅާފައިވާ ޕްރޮގްރާމްތަކަށް 150000 (އެއްލައްކަ ފަންސާސް ހާސް ރުފިޔާގެ އެހީތެރިކަން ފޯރުކޮށްދެވޭނެއެވެ.

މިއަހަރު ޖަމިއްޔާތަކުން ހިންގުމަށް ރާވާފައިހުރި ޕްރޮގްރާމްތަކުގެ ތެރޭގައި ށ.ކަނޑިތީމް ބްލޫގިލްޑްއިން ކުރިއަށް ގެންދިއުމަށްހަމަޖެހިފައިވަނީ އެރަށު ބަނދަރުގައި "ތާނަ އައިލެންޑް މޮނިއުމަންޓް" ބިނާކުރުމުގެ ޕްރޮޖެކްޓެވެ. އަދި ޅައިމަގު އެކުވެރިންގެ ރޫޙުއިން ކުރިއަށް ގެންދިއުމަށް ހަމަޖެހިފައިވަނީ "ޅައިމަގު އެކުވެރިންގެ ރޫހު ޖަމިއްޔާގެ އޮފީސް އަދި ކޮމިއުނިޓީ މިނީ ޕާކް" ތަރައްޤީކުރުމުގެ ޕްރޮޖެކްޓެވެ. އަދި ޔުނިޓީ ސްޕޯރޓްސް އެކަޑަމީއިން ކުރިއަށް ގެންދިއުމަށް ހަމަޖެހިފައިވަނި " ށ.ފުނަދޫގައި ތިމާވެއްޓާއި ރައްޓެހި ބާބަކިއު އޭރިއާއެއް" ތަރައްގީކުރުމުގެ ޕްރޮޖެކްޓެވެ.

މިއަހަރު އެހީ ލިބުނު އަންހެނުންގެ ކޮމެޓީތަކުގެ ތެރެއިން ށ.ފުނަދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީއިން ކުރިއަށް ގެންދިއުމަށް ހަމަޖެހިފައިވަނީ، ށ.ފުނަދޫގައި އިންޑޯ ޖިމެއް ތަރައްޤީކުރުމުގެ ޕްރޮޖެކްޓެވެ. އަދި ށ.މިލަންދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީއިން ކުރިއަށް ގެންދިއުމަށް ހަމަޖެހިފައިވަނީ ށ.މިލަންދޫ ޒުވާނުންގެ މަރުކަޒުގައި އަންހެނުންގެ ޒުމްބާ ރޫމެއް ޤާއިމްކުރުމުގެ ޕްރޮޖެކްޓެވެ. އަދި ށ.މާއުނގޫދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީއިން ކުރިއަށް ގެންދިއުމަށް ހަމަޖެހިފައިވަނީ ށ.މާއުނގޫދޫ ސްކޫލްގެ ބެލެނިވެރިންގެ ހިޔާއެއް އެޅުމުގެ ޕްރޮޖެކްޓެވެ.

ރަށްވެހި ތަރައްގީގެ ޕްރޮގްރާމްތައް ހިންގުމުގެ އެއްބަސްވުންތަކުގައި ސޮއިކޮށްފި

ދިވެހިންގެ ހިތްތަކުގައި ޤައުމީ ރޫޙު އާލާކުރުމަށް ސަރުކާރުން ހިންގަވާ ޕްރޮގްރާމުތައް ތަންފީޒުކުރުމުގެ މަޤްޞަދުގައި ށ.އަތޮޅުކައުންސިލުގެ މި އަހަރުގެ މަސައްކަތު ތާވަލުގައި ހިމެނިގެން ކުރިޔަށްގެންދެވޭ އަތޮޅު ފެންވަރުގައި ޤައުމީ ދުވަސް ފާހަގަކުރުމުގެ ރަސްމިއްޔާތު 2024 ސެޕްޓެންބަރު 7ވަނަ ދުވަހު މާއުނގޫދޫގައި ބާއްވައިފިއެވެ.  

ޤައުމީ ދުވަހުގެ ޚާއްޞަ ޖަލްސާ މާއުނގޫދޫ ސްކޫލުގައި އެ ދުވަހުގެ 14:00 ގައި ބޭއްވިފައިވާއިރު އެ ޖަލްސާގައި ދިވެހިރާއްޖޭގެ ރައީސުލްޖުމްހޫރިއްޔާގެ ނާއިބު އަލްއުސްތާޛު ޙުސައިން މުޙައްމަދު ލަޠީފް ވަނީ ވާހަކަފުޅުދައްކަވާފައެވެ. އެ މަނިކުފާނު ދެއްކެވިވާހަކަފުޅުގައި ޤައުމިއްޔަތު ދިރުވައި އާލާކުރުމަށް ސަރުކާރުން ފެންޓެވި ބޮޑު މަސައްކަތުގައި ށ.އަތޮޅުކައުންސިލުން ބައިވެރިވެ މި ފެއްޓެވީ ބޮޑު މަސައްކަތެއް ކަމަށާއި، މި މަސައްކަތް ފެއްޓެވުމަކީ ޙަޤީޤަތުގައި ވެސް ލިބިގެން ދިޔަ ވަރަށް މުހިންމު މެސެޖުތަކެއް ކަމަށާއި، މުޅި ޤައުމަށް މިކަން ފެތުރިގެން ދިއުމަކީ ދެކެން ބޭނުންވާ މަންޒަރެއް ކަމަށް ވިދާޅުވިއެވެ. އޭގެއިތުރުން މި ދުވަސް ފާހަގަކުރުމުގެ ސަބަބުގެ މައްޗަށް ވަރަށް ތަފްޞީލުކޮށް އެ މަނިކުފާނުގެ ވާހަކަފުޅުގައި ވަނީ ބައްދަލަވާލައްވާފައެވެ.  ށ.އަތޮޅުކައުންސިލުގެ ރައީސް މުޙައްމަދު ޝިޔާމުގެ ވާހަކަފުޅުގައި އަތޮޅުކައުންސިލުން އަބަދުވެސް ވާނީ ސަރުކާރުން ކުރާ ކަންތައްތައް ތަންފީޒުކުރުމުގައި ނަމޫނާ ދައްކާ އަތޮޅެއްގެ ގޮތުގައި ކަމަށް ވިދާޅުވިއެވެ.  ހަމައެއާއެކު ދިވެހިބަހާއި، ސަޤާފަތާ ބެހޭ ވަޒީރު އާދަމް ނަޞީރު އަޙްމަދު ޤައުމީ ދުވަހާ ގުޅޭގޮތުން ވާހަކަފުޅުދެއްކެވިއެވެ. 

މީގެ އިތުރުން މި ދުވަހާ ގުޅިގެން މާއުނގޫދޫގައި ބޭއްވުނު ސަޤާފީ ހަވީރާއި، މެހުމާނުންނަށް ޚާއްޞަކުރެވިފައިވާ ޖާފަތުގައި ބައިވެރިވެ، މިލަންދޫ ޒުވާނުންގެ ލަނގިރި ޖެހުމުގެ ޙަރަކާތްތައް ދިވެހިރާއްޖޭގެ ރައީސުލްޖުމްހޫރިއްޔާގެ ނާއިބު އަލްއުސްތާޛު ޙުސައިން މުޙައްމަދު ލަޠީފާއި، ދިވެހިބަހާއި، ތާރީޚާއި، ސަޤާފަތާ ބެހޭ ވަޒީރު އާދަމް ނަޞީރު އަޙްމަދާއި، ރައީސް އޮފީހުގެ މިނިސްޓަރ މުޙައްމަދު ޝާހިދާއި، މިލަދުންމަޑުލު އުތުރުބުރީ އަތޮޅުކައުންސިލުގެ ރައީސް މުހައްމަދު ޝިޔާމު އާއި، އަތޮޅުކައުންސިލް މެންބަރުންނާއި، ށ.އަތޮޅު ރަށްރަށުގެ އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކާއި، ފުނަދޫ، މާއުނގޫދޫ މުއައްސަސާތަކުގެ ވެރިން ބައްލަވައިލެއްވިއެވެ. 

ޤައުމީ ދުވަސް އަތޮޅު ފެންވަރުގައި ފާހަގަކޮށްފި

ށ. ބިލެތްފައްސަކީ ޤުދުރަތީގޮތުންރީތި ބޮޑުފަޅަކާއި، ހިތްގައިމު ދޮންވެލި ތުނޑިއަކާ، މަލަފެހި ސާފު ރީތި ރަށެކެވެ. ރަށުގެ އާބާދީގައި

763 މީހުން ދިރިއުޅ ޭމިރަށަކ ީބޮޑުމިނުގައި 62.99 ހެކްޓަރ ހިމެނޭ ރަށެކެވެ. މިރަށުގައި ގްރޭޑ ް10ގެ ފެންވަރަށް ދެދަންފަޅިއަށް ކިޔަވައިދޭ ސްކޫލެއް ހުރެއެވެ. މިރަށުގެ ޞިއްޙީ މަރުކަޒުން 8 ގަޑިއިރު ޚިދުމަތް ދެމުން ދާއިރު ލެބޯޓްރީގެ ޚިދުމަތާއި، އަދި ޢާއްމުބަލިތަކާ ގުޅޭ ޓެސްތައް ހެދި ޑޮކްޓަރގެ ޚިދުމަތް ލިބެމުން ދެއެވެ. މިރަށުގެ ރައްޔިތުންނަށް ދަތުރުފަތުރުކުރުމަށް އާރ ޓީއެލް، ފެރީގެ ޚިދުމަތް ލިބެމުންދެއެވެ. ފެނަކަ ކޯޕަރޭޝަނުން ރަށުގެ ރައްޔިތުންނަށް 24ގަޑިއިރު ކަރަންޓްގެ ޚިދުމަތް ދެއްވަމުން ގެންދަވައެވެ. މިދެންނެވި ޚިދުމަތްތައް ރައްޔިތުންނަށް ފޯރުކޮށްދެއްވުމަށް ސިވިލްސަރވިސް މުވައްޒަފުންނާ ކޮންޓްރެކްޓް، ކުންފުނިތަކުގެ މުވައްޒަފުންނާއެކު ގާތްގަނޑަކަށް 115 މުވައްޒަފުން މަސައްކަތް ކުރައްވައެވެ.މިރަށަކީ އިޖްތިމާއީ ގޮތުންނާއި ރަށުގެ ތަރައްޤީއަށް ކުރެވޭ އެކި ކަންކަމުގައި ރަށުގެ ކައުންސިލާ ގުޅިގެން މަސައްކަތްކުރާ ގާނޫނާއި، ޤަވާއިދުތަކަށް ޙުރުމަތްތެރިކޮން ހިތާ އެއްބައިވަންތަ ރައްޔިތުން ދިރިއުޅޭ ރަށެކެވެ. 

ލާމަރުކަޒީ ޤާނޫނުގެ ދަށުން އުފެދިފާވާ ބިލެތްފަހީ ކައުންސިލްގައި 05 މެންބަރުންނާއި، އަންހެނުންގެ ތަރައްޤީއަށް މަސައްކަތް ކުރާ ކޮމެޓީގައި 5 މެންބަރުން ތިއްބަވައެވެ. އަދ ިސިވިލްސަރވިސް މުވައްޒަފުންނާއި، ކޮންޓެކްޓް މުވައްޒަފުން ހިމެނޭގޮތުން މިކައުންސިލްގައި 42 މުވައްޒަފުން މަސައްކަތް ކުރައްވައެވެ. މިރަށުގެ ރަށްވެހި އަދި ޘަޤާފީ މަސައްކަތެއްގެ ގޮތުގައި މަޝްހޫރުވެފާވަނީ ރުކުފަތި ވިޔުމުގެ މަސައްކަތެވެ. މިރަށުގެ ރައްޔިތުން އާމްދަނީ ހޯދުމަށް ކުރާ މައިގަނޑު މަސައްކަތަކީ ކިއްސަރުވަޑާންކުރުމުމެވެ. އަންހެނުން ކުރާ މައިގަނޑު މަސައްކަތަކީ ފަންގިވިނުމުގެ މަސައްކަތެވެ.

ށ. ބިލަތްފަހި

ރަށުގެ އިޤްތިޞާދު ބިނާވެފައިވަނީ، ކިއްސަރުވަޑާމުގެ މަސައްކަތުގެ މައްޗަށެވެ. މިރަށަކީ މުޅި އަތޮޅުން ކިއްސަރު ވަޑާމަށް އެންމެ މަޝްހޫރު ރަށެވެ. އަދި މުޅި އަތޮޅުގައިވެސް ރުކުފަތީގެ މަސައްކަތް ކުރާ ހަމައެކަނި ރަށަކީ މިރަށްކަން ފާހަގަކޮށްލެވެއެވެ. ރުކުފަތިން ހަދާ ތަކެތީގެ ތެރޭގައި ހަލަންޏާއި ބަތްޕޮޅި ހިމެނެއެވެ.

މިރަށަކީ ބިމުގެގޮތުން ބޮޑު، ރަށުގެ މަލަމަތި އުސް ރަށެކެވެ. މިރަށް މަޝްހޫރުވެފައިވަނީ، ދަނޑުވެރި ރަށެއްގެ ގޮތުގައެވެ. މިރަށުގައި، ރޭވުންތެރިކަމާއެކު ދަނޑުބިން ދޫކުރުމާއި، ބެލެހެއްޓޭނެ އިންތިޒާމުތަކެއް ރޭވިފައިވެއެވެ. މީގެ އިތުރުން، ކަނޑޫފާ ނުވަތަ ގޮއި، މިރަށުގެ އެއްކޮޅުގައި ބޮޑު ސަރަޙައްދެއްގައި އޮންނަކަން ފާހަގަކުރެވެއެވެ. ރަށުގެ ވަށައިގެން ހިނގޭނެގޮތަށް "ބީޗް ރޯޑް" ކިޔާ ބޮޑު މަގެއް މިރަށުގައި އޮވެއެވެ.

ށ. ގޮއިދޫ

ށ.ފޭދޫއަކީ ށ.އަތޮޅުގައި މޯހުން ދިރިއުޅޭ ރަށްތަކުގެތެރެއިން ރަށެކެވެ. ދިވެހިރާއްޖޭގެ އެހެން ރަށްރަށެކޭ އެއްފަދައިން މި ރަށަކީ ވެސް މުރަކައިގެ ދޮންވެލިން އުފެދިފައިވާ ޖަޒީރާ ރަށެކެވެ. މިރަށު މީހުން ދިރިއުޅުމަށްޓަކައި މައިގަނޑުގޮތެއްގައި ކުރާ މަސައްކަތަކީ މަސްވެރިކަމާއި، އިމާރާތްކުރުމުގެ މަސައްކަތާއި، ފަތުރުވެރިކަމުގެދާއިރާގެ މަސައްކަތެވެ. އަދި މީގެ އިތުރުން ކޮންމެވެސް ވަރަކަށް ދަނޑުވެރިކަންކޮށް އުޅެއެވެ. މިރަށުގައި ވިޔަފާރިކުރާ 13 ތަނާއި، 2 ސައިހޮޓަލާއި، 1 ފާމަސީ ހުރެއެވެ. މިރަށާއި ރާއްޖޭގެ ވެރިކަންކުރާ ރަށް މާލެއާއި ދެމެދު ހުންނަނީ 245.90 ކިލޯމީޓަރެވެ.

ފޭދޫ ކައުންސިލްގެ އިދާރާ

ފޭދޫ މެޖިސްޓްރޭޓް ކޯޓް

ފޭދޫ ފެނަކަ ބްރާންޗް

ފޭދޫ ސިއްޙީ މަރުކަޒު

ފޭދޫ ސްކޫލް

ށ. ފޭދޫ

މިރަށުގެ މީހުން ދިރިއުޅުމަށްޓަކައި ކޮށްއުޅޭ މަސައްކަތްތަކުގެ ތެރޭގައި، ފަތުރުވެރިކަމުގެ ދާއިރާގެ މަސައްކަތްތަކާއި މަސްވެރިކަމާއި ފަންގިވިނުމާއި އިމާރާތްކުރުމާއި ކިއްސަރުވަޑާމުގެ މަސައްކަތްތައް ހިމެނެއެވެ.

މިރަށަކީ ރާއްޖޭގެ އެހެން ރަށްތަކާ ޚިލާފަށް ތަފާތު ވައްތަރުގެ ދަނޑިޖެހުމުގެ އެކި ކުޅިވަރުތައް ކުޅޭ ރަށެކެވެ. 1990ވަނަ އަހަރާއި 2004 ވަނަ އަހަރު، ދަނޑުވެރިކަމުން ރާއްޖެއިން 1 ވަނަ ހޯދާފައިވެއެވެ. މިރަށުގައި 100 އަހަރަށްވުރެ ގިނަދުވަސްވެފައިވާ ނިކަ ގަހެއް ހުރެއެވެ.

ށ. ފީވައް

މިރަށަކީ ޞިއްޙީ މަރުކަޒެއް ޤާއިމުކުރެވި، ޑަކްޓަރަކާއި ނަރުހުންގެ ޚިދުމަތް 16 ގަޑިއިރަށް ލިބެމުންދާ ރަށެކެވެ. އަދި، 2015 ވަނަ އަހަރު އެންމެ ރަނގަޅު ކައުންސިލްގެ އެވޯޑުވެސް ހޯދާފައިވާރަށެވެ. މީގެއިތުރުން، މުޅި ރާއްޖެއަށް ހުޅުވާލައިގެން ބޭއްވި ޒޯން ޗެމްޕިއަންސް ލީގު ދެފަހަރު ކާމިޔާބުކޮށްފައިވާ، ފުޓްބޯޅައިގައި ފާހަގަކޮށްލެވޭ ރަށެކެވެ.

ށ. ފޯކައިދޫ

މިލަދުންމަޑުލުއުތުރުބުރީ މަރުކަޒީރަށް ށ.ފުނަދުއަކީ އަތޮޅުގެ އިރުމަތީ ބިތުގައިވާރަށެކެވެ. މިރަށް އޮންނަނީ އުތުރުން "53 '8  '6 ހުޅަގުން "26  '12  '73 ގައެވެ. މިހާރު ފުނަދޫގެ ބޮޑުމިނަކީ 120 ހެކްޓަރެވެ.  ށ.ޅައިމަގުގައި ހުރި ށ.އަތޮޅުއޮފީސް މިރަށަށް ބަދަލުކުރައްވާ 01 ޖެނުއަރީ 1968 ގައި މިރަށުގައި ށ.އަތޮޅު އޮފީހުގެ ދިދަނެގިގެން ދިޔައިރު މިރަށަކީ ފަޅުރަށެކެވެ. ނަމަވެސް އެތާރީޚުން ފެށިގެން މިރަށަކީ މީހުން ދިރިއުޅޭ ރަށެއް ކަމުގައި ސަރުކާރުން ހަމަޖައްސެވުމަށްފަހު ށ އަތޮޅު އޮފީސް މިރަށުގައި ހިންގަވަން ފައްޓަވައި، މިރަށަށް ހިޖްރަކުރުމުގެ ފުރުޞަތު އާންމުކޮށް ހުޅުވާލެއްވިއެވެ.

އެންމެ ފުރަތަމަ މިރަށަށް ހިޖްރަކުރީ 03 މާރޗް 1970 ގައި ނ. ބޮމަސްދޫގެ ރައްޔިތުންގެ ތެރެއިން ބައެކެވެ. އޭގެ ފަހުން ސަރުކާރުން ހިންގެވި އާބާދީއާއި  ތަރައްޤީއެއްފަސްކުރުމުގެ މަޝްރޫޢުގެ ދަށުން 2004 ވަނަ އަހަރު އޮގަސްޓްމަހުގެ ނިޔަލަށް ށ.ފިރުނބައިދޫގެ ހުރިހާ ރައްޔިތުން މިރަށަށް ބަދަލުކުރައްވާ މިރަށުގައި އާބާދުކުރެއްވިއެވެ. އަދި ށ މާކަނޑޫދޫ، ށ ނޫމަރާ، ށ. ކޮމަންޑޫ، ށ ޅައިމަގު އަދި ށ މާއުނގޫދޫ ރައްޔިތުންގެ ތެރެއިން މިރަށަށް ބަދަލުވާން އެދުނު ހުރިހާ ރައްޔިތުން 2009 ވަނަ އަހަރުގެ ނިޔަލަށް މިރަށަށް ބަދަލުކުރައްވާ މިރަށުގައި އާބާދުކުރައްވާފައިވެއެވެ.

މިރަށަށް ކުރިން ކިޔަމުން އައީ "ފަރުކޮޅު ފުނަދޫ" އެވެ. އެއީ މިރަށާއިއެއްފަޅެއްގެތެރޭގައި އެއްފަރަކުން ގުޅިފައިއޮންނަ ޤުދުރަތީ ގޮތުން މިރަށާއި އެއް ސިފަތަކެއް ލިބިފައިވާ ފަޅުރަށެއްކަމުގައިވާ "ށ.ފަރޮކޮޅާއި" ގުޅުވާފައެވެ. އެހެންނަމަވެސް އޭރު ކިޔެމުންއައި ނަން ''ފަރުކޮޅުފުނަދޫ'' މިނަމުން "ފުނަދޫ " މިނަމަށް ސަރުކާރުން ބަދަލުކުރައްވާފައިވަނީ 12 މާރޗް 1995ގައެވެ.

މީހުން ދިރިއުޅުމަށްޓަކައި މިރަށުން 610ގޯތި ދޫކުރެވިފައިވާއިރު އޭގެތެރެއިން މީހުން ދިރިއުޅެނީ 484 ގޯތީގައެވެ. މީހުން ދިރިއުޅުމަށް އެންމެފަހުން މިރަށުން ގޯތި ދޫކުރެވިފައިވަނީ 2013 ވަނަ އަހަރުއެވެ. 2023 ވަނަ އަހަރުގެ ޖުލައިމަހުގެ ނިޔަލަށް މިރަށުގެ އާބާދީއަކީ 1406 އަންހެނުންނާއި 1356 ފިރިހެނުނުންނާއިއެކު ޖުމްލަ 2762 މީހުންނެވެ.

ފުނަދޫގެ މީހުން ދިރިއުޅުމަށްކުރާ މައިގަޑު މަސައްކަތަކީ މަސްވެރިކަމެވެ. ފަރުމަހުގެ މަސްވެރިކަމަށް، ޚާއްސަކޮށް ހިބަރުގެ މަސްވެރިކަމަށް މިރަށަކީ މިސަރަޙައްދުން ފާހަގަ ކޮށްލެވޭ ރަށެކެވެ. އަދި މިރަށަކީ ސަރުކާރުގެ ގިނަ އޮފީސްތަކެއް ޤާއިމްކުރެވިފައިވާ ރަށަކަށްވާތީ ސަރުކާރުގެ ވަޒީފާގައި ގިނައަދަދެއްގެ މީހުންހަރަކާތްތެރިވެއެވެ. ބިމުގެ ދަތިކަން ކުރިމަތިވެފައިވީނަމަވެސް ދަނޑުވެރިކަން ކުރުމަށް ޝައުޤުވެރިވާ ފަރާތްތަކަށް އެމަސައްކަތްކުރުމަށްޓަކައި 36 ބިމެއް ރަށުން ދޫކުރެވިފައިވެއެވެ.

ފުނަދޫ ކައުންސިލްގެ އިދާރާ

ބޭންކު އޮފް މޯލްޑިވްސް ފުނަދޫ ބުރާންޗު

ށ.ފުނަދޫ އަތޮޅު ހޮސްޕިޓަލް

ފުނަދޫ ޕޮލިސް ސްޓޭޝަން

ފުނަދޫ ސްކޫލް

ފުނަދޫ އެއަރ ޕޯޓް

ށ.ފުނަދޫ މެޖިސްޓްރޭޓް ކޯޓް

ފުނަދޫ މީރާ ކަލެކްޝަން ސެންޓަރ

ލޭބަރ ރިލޭޝަަންސް އޮތޯރިޓީ

ފުނަދޫ ފެނަކަ ބްރާންޗް

  ފުނަދޫ ބްރާންޗް ޖެންޑާ އެންޑް ފެމިލީ ،ސޯޝަލް ސާރވިސެސް

ށ. ފުނަދޫ

މިލަދުންމަޑުލުއުތުރުބުރީ މަރުކަޒީރަށް ށ.ފުނަދުއަކީ އަތޮޅުގެ އިރުމަތީ ބިތުގައިވާރަށެކެވެ. މިރަށް އޮންނަނީ އުތުރުން "53 '8  '6 ހުޅަގުން "26  '12  '73 ގައެވެ. މިހާރު ފުނަދޫގެ ބޮޑުމިނަކީ 120 ހެކްޓަރެވެ.  ށ.ޅައިމަގުގައި ހުރި ށ.އަތޮޅުއޮފީސް މިރަށަށް ބަދަލުކުރައްވާ 01 ޖެނުއަރީ 1968 ގައި މިރަށުގައި ށ.އަތޮޅު އޮފީހުގެ ދިދަނެގިގެން ދިޔައިރު މިރަށަކީ ފަޅުރަށެކެވެ. ނަމަވެސް އެތާރީޚުން ފެށިގެން މިރަށަކީ މީހުން ދިރިއުޅޭ ރަށެއް ކަމުގައި ސަރުކާރުން ހަމަޖައްސެވުމަށްފަހު ށ އަތޮޅު އޮފީސް މިރަށުގައި ހިންގަވަން ފައްޓަވައި، މިރަށަށް ހިޖްރަކުރުމުގެ ފުރުޞަތު އާންމުކޮށް ހުޅުވާލެއްވިއެވެ. 

މިރަށު މީހުން އާމްދަނީ ހޯދުމަށް ކުރާ މައިގަނޑު މަސައްކަތަކީ މަސްވެރިކަމެވެ. މަސްވެރިކަމުން އާމްދަނީ ހޯދުމަށް ކުރާ މަސައްކަތްތަކުގައި ރަށުގެ އަންހެނުންގެ ޙިއްސާވެސް ބޮޑުކަން ފާހަގަކޮށްލެވެއެވެ. މީގެއިތުރުން ރޯނުވެށުމާއި، ފަންގިވިނުމުގެ މަސައްކަތް ކޮށްގެން ވެސް އަންހެނުން އާމްދަނީ ހޯދައެވެ. މިހާރު ރަށުގެ ޒުވާނުން އާމްދަނީ ހޯދުމަށް ފަތުރުވެރިކަމުގެ ދާއިރާގައި ވަޒީފާ އަދާކުރެއެވެ. މިރަށުގައި 500 ވަރަކަށް އަހަރުވެފައިވާ ކަމަށްބެލެވޭ ޙިމާޔަތްކޮށްފައިވާ އާދަޔާ ޚިލާފު ބޮޑު 9 ނިކަގަސް ހުރެއެވެ.

ށ. މާއުނގޫދޫ

މިރަށަކީ ރަށުގައި އުފައްދާ ކަރުހަކުރާއި، ރަށުގައި ހުރި ބޮޑު ކާނިގަހުގެ ސަބަބުން، ރާއްޖޭގެ ތާރީޚުން ޖާގަ ހޯދާފައިވާ ރަށެކެވެ. މިކާނިގަހަކީ ކަޅުއޮށްފުންމީގެ ރިޔާ ބޭއްވުމަށް ބޮޑުތަކުރުފާނު ޖެއްސެވި ތިން ކަޑައިގެ ތެރެއިން އެއް ކަޑައެވެ. މިގަހަކީ 450 އަހަރަށް ވުރެން ގިނަދުވަސްވެފައިވާ ތާރީޚީ ގަހެކެވެ. މިރަށު ކުޅިއަކީ، ބޮޑުތަކުރުފާނުގެ ޖިހާދުގެ ދަތުރުގައި ދުޝްމަނުންނަށް ފިލުމަށް ކަޅުއޮށްފުންމި ވަދެނުކުމެ އުޅުނު މަޝްހޫރު ނެރެވެ.

ށ. މަރޮށި

މިރަށު މީހުންގެ މައިގަނޑު މަސައްކަތަކީ މަސްވެރިކަމެވެ. މިރަށުގައި "ކޮމަންޑޫ ކިލާވަޅު" ކިޔާ ވަރަށް ޒަމާންވީ ވަޅެއް ހުރެއެވެ. މަޝްހޫރު ބޮޑުތަކުރުފާނު، ކަޅުއޮށްފުންމީގައި ދަތުރު ކުރެއްވިއިރު ދެކޮމަންޑޫ ދޭތެރެއިން ދަތުރު ކުރެއްވި ރޮނގު މިހާރުވެސް ދެކޮމަންޑޫ ދޭތެރޭގައި ފާހަގަވާ ގޮތަށް އެބައޮތެވެ.

ށ. ކޮމަންޑޫ

ތާނަ އަކުރު އެންމެ ފުރަތަމަ ފެށިފައިވަނީ ކަނޑިތީމު މިސްކިތުގެ ބެރިއަކުންނެވެ. މިރަށުގައި ހިމާޔަތްކުރެވިފައިވާ ގިނަދުވަސްވީ ދިއްގާ ގަހެއް ހުރެއެވެ. މިރަށުގައި "މެދުޒިޔާރަތް" ކިޔާ ޒިޔާރަތެއް ހުރެއެވެ. މިޒިޔާރަތަކީ، ކުރީ ޒަމާނުގައި ބަލި ކުދިން އެތަނަށް ގެންދިއުމުން ބަލި ފަސޭހަވާ ތަނެއްގެ ގޮތުގައި ބެލެމުން އައިސްފައިވާ ތަނެކެވެ. މިރަށުގެ ފަޅުތެރޭގައި އޮންނަ "ކުޑަދޫ" ކިޔާ ފަޅުރަށުގައި "ފީބޯ" ކިޔާ ވަޅުގަނޑެއް އޮވެއެވެ. މި ވަޅުގަނޑަކީ އަނދިރިއަނދިރިން ނިދަން ބޭނުންކުރި ތަނެކެވެ.

ށ. ކަނޑިތީމު

ޅައިމަގަކީ މިލަދުންމަޑުލު އުތުރުބުރީގެ އިރުދެކުނުން އަތޮޅުގެ އެތެރެވަރީގައި ފުނަދޫގެ ހުނޅަގުން ގާތްގަޑަކަށް 3 މޭލު ހުނޅަގުގައި އޮންނަ ރަށެކެވެ. މިއީ މިލަދުންމަޑުލުކިޔާ ޤުދުރަތީ އަތޮޅުގެ ރަށެކެވެ. ސިޔާސީގޮތުން ށ. އަތޮޅުގެ ރަށެކެވެ. މިރަށާއި މާލެއާއި ދެމެދުގެ ދުރުމިނަކީ ގާތްގަޑަކަށް 130 މޭލުއެވެ. ރަށުގެ ނަންބަރަކީ 280 އެވެ. މިރަށަކީ މެދުފަންތީގެ ރަށަކަށްވާއިރު ރަށުގެ ފަސްގަނޑުގައި ހިސާބަކަށް އަކިރި ހުރެއެވެ. ގިނައިން އޮންނަނީ ވެއްޔެއެވެ. ރަށްވަށައިގެންވެސް ރަށުގެ ދެކުނު ކޮޅުގައިނޫނީ ރީތި ދޮންވެލިގަނޑު އޮންނަ ރަށެކެވެ. މިރަށުގައި މިހާރުވަނީ 2006 ވަނައަހަރު 175×350 ފޫޓުގެ ފަޅެއް ސަރުކާރުން ހައްދަވާދެއްވާފައެވެ. މާލެދަތުރުކުރާ 1 ބޯޓާ، މަސްވެރިކަންކުރާ 1 މަސްދޯންޏާ، 9 ވަދުދޯންޏާ، ކައިރި ރަށްރަށަށް ދަތުރުކުރުމަށްޓަކާ 4 ސްޕީޑްލޯންޗާއި 6 ޑިންގީ އޮންނަ ރަށެކެވެ. މިރަށާ އެންމެކައިރީގައި މީހުންއުޅޭ ރަށަކަށްއޮތީ މިއަތޮޅުގައި ވެރިކަންކުރާރަށް ފުނަދޫއެވެ. މިރަށާ ފުނަދޫއާ ދޭތެރޭހުރީ ގާތްގަޑަކަށް 3 މޭލުއެވެ. މިރަށުގެ ދިގުމިނަކީ ގާތްގަޑަކަށް 2840 ފޫޓެވެ. ފުޅާމިނަކީ 2245 ފޫޓެއެވެ. މީޓަރުންނަމަ ދިގުމިނަކީ 850 މީޓަރެވެ. ފުޅާމިނަކީ 603 މީޓަރއެވެ. ހެކްޓަރއަކީ 43.54 ހެކްޓަރއެވެ. 2023 ވަނަ އަހަރުގެ ޑިސެމްބަރގެ ނިޔަލަށް ރަށުގެ އާބާދީއަކީ 437 ފިރިހެނުންނާއި 409 އަންހެނުންނެވެ. ރަށުގައި ކިޔަވައިދޭ ސްކޫލެއް ހުރެއެވެ. ސްކޫލްގައި ގްރޭޑް 10 ށް ކިޔަވައިދެއެވެ. ކުދިންނަށް ކިޔަވައިދިނުމަށްޓަކާ 22 ދިވެހި މުދައްރިސުންނާ 06 ބޭރުގެ މުދައްރިސުން ތިބެއެވެ. މީގެއިތުރުން ޕްރިންސިޕަލަކާއި 12 އޮފީސް ސްޓާފުން ސްކޫލްގައި ތިބެއެވެ. މީގެއިތުރުން މެޖިސްޓްރޭޓް ކޯޓާއި ޞިއްޙީމަރުކަޒަކާއި އިންޖީނުގެއަކާއި ދެމިސްކިތާއި އޭޖެންސީ ޕޯސްޓްއޮފީހަކާއި ވިޔަފާރިކުރާ 5 ފިހާރައާއި 2 ހޮޓާ މިރަށުގައި ހުރެއެވެ. ދިރިއުޅުމަށްޓަކާ މީހުންކުރާ މައިގަނޑު މަސައްކަތަކީ ރިސޯޓްތަކުގައި ވަޒީފާ އަދާކުރުމާއި މަސްވެރިކަންކުރުމާއި ގޯތިތެރޭގައި ދަނޑުވެރިކަންކުރުމާއި ފަންގިވިނުމެވެ. މިރަށުގެ މީހުން ޢާންމުކޮށް ބޯންބޭނުންކުރަނީ ވާރޭފެނާއި މިނެރަލް ވޯޓަރއެވެ. މިރަށަކީ 24 ގަޑިއިރު ކަރަންޓުގެ ޚިދުމަތް ލިބެމުންދާރަށެކެވެ. ކަރަންޓުގެ ޚިދުމަތް މިހާރު ފޯރުކޮށްދެމުން ގެންދަނީ ފެނަކަ ކޯޕަރޭޝަނުންނެވެ.މިރަށަކީ މިއަތޮޅުގެ އަތޮޅުވެރިކަން، 1 ޖަނަވަރީ 1968ގައި ފުނަދޫއަށް ބަދަލުވުމުގެ ކުރިން އަތޮޅުގެ ވެރިކަންކުރި ރަށެވެ. މިރަށުގެ ގަބުރުސްތާނުގައި ވަރަށް ދުވަސްވީ، ބޮޑެތި މަހާނަގާ ހުރެއެވެ. އަދި މިސްކިތު ތަރާގަނޑު ކިޔާ ތަނެއް އޮވެއެވެ. ރަށުގައި ބޮޑު 2 ނިކަގަސް ހުރެއެވެ. އަދި މަޝްހޫރު "ޅައިމަގު ފަގީރު" އޮޑިބަނތް ކަމަށް ބުނާ 2 އުސް ފަސްގަނޑުވެސް މިރަށުގައި ފާހަގަކުރެވޭ ތަނެއްގެ ގޮތުގައި ހިމެނެއެވެ.

މިލަދުންމަޑުލުއުރުބުރީ ޅައިމަގު ކައުންސިލް އިދާރާ

ޅައިމަގު ސްކޫލް

މިލަދުންމަޑުލު އުތުރުބުރީ ޅައިމަގު މެޖިސްޓްރޭޓް ކޯޓް 

ށ.ޅައިމަގު ޞިއްޙީމަރުކަޒު 

ޅައިމަގު އެކުވެރިންގެ ރޫޙް

ށ. ޅައިމަގު

މިރަށަކީ މިއަތޮޅުގެ އަތޮޅުވެރިކަން، 1 ޖަނަވަރީ 1968ގައި ފުނަދޫއަށް ބަދަލުވުމުގެ ކުރިން އަތޮޅުގެ ވެރިކަންކުރި ރަށެވެ. މިރަށުގެ ގަބުރުސްތާނުގައި ވަރަށް ދުވަސްވީ، ބޮޑެތި މަހާނަގާ ހުރެއެވެ. އަދި މިސްކިތު ތަރާގަނޑު ކިޔާ ތަނެއް އޮވެއެވެ. ރަށުގައި ބޮޑު 2 ނިކަގަސް ހުރެއެވެ. އަދި މަޝްހޫރު "ޅައިމަގު ފަގީރު" އޮޑިބަނތް ކަމަށް ބުނާ 2 އުސް ފަސްގަނޑުވެސް މިރަށުގައި ފާހަގަކުރެވޭ ތަނެއްގެ ގޮތުގައި ހިމެނެއެވެ.

މިރަށަކީ އަތޮޅު ފެންވަރުގައި ކިއްސަރު ވަޑާމަށް އެންމެ މަޝްހޫރު ރަށެވެ. ރާއްޖޭގެ އެކި ހިސާބުތަކުގައި މިހާރުވެސް މިރަށުގެ މާވަޑިން ބަނދެފައިވާ ގިނަ އޮޑިފަހަރު ހުރުމީ ރަށުގެ މާވަޑިންގެ ޤާބިލްކަން ދައްކުވައިދޭ އަދި ރަށަށް ލިބޭ ބޮޑު ފަޚުރެކެވެ. މިރަށުގައި ފަލަމަޑީގެ ބާވަތްތައް އިންދައިގެން ނުހެއްދިއަސް ފަލަމަޑީގެ ބާވަތްތައް ލިބެން ހުރެއެވެ. ނޫމަރާ ކަނޑަކީ، ވަރަށް ބިރުވެރި ކަނޑެއްގެ ގޮތުގައި ތާރީޚުގެ ފޮތްތަކުން އެނގެއެވެ. މިރަށުގެ ގޮނޑުދޮށުގައި ދެމޫސުމުގައި ދެކޮޅަށް ދުވާ ވެލިގަނޑެއް އޮވެއެވެ.

ށ. ނޫމަރާ

100 ސަތޭކަ އަހަރަށްވުރެ ގިނަދުވަސްވެފައިވާ، އާދަޔާޚިލާފު ގަހެއް މިރަށުގައި ޙިމާޔަތް ކުރެވިފައި ހުރެއެވެ. މިގަހުގައި އާދަޔާޚިލާފު ކަމެއް ފާހަގަކުރެވިފައިވެއެވެ. އެހެން ގަސްތަކާ ޚިލާފަށް މިގަހުގެ ގޮތްޕެއް ކަނޑާލުމުން، ހުދުކުލައިގެ ކިރު ނުވަތަ ދިޔައިގެ ބަދަލުގައި މިގަހުން އަންނަނީ ރަތްކުލައިގެ ލޭ، ފާޑުގެ އެއްޗެކެވެ. މިރަށު މީހުން އެގަހަށް ކިޔަނީ "ނަންނޭނގޭ ގަސް"، މިހެންނެވެ.

ށ. ނަރުދޫ

މިރަށަކީ މިއަތޮޅު މާކަނޑޫދޫގައި ތިމާވެށީގެ ގޮތުން ހުރި ދަތި އުނދަގޫތަކެއްގެ ސަބަބުން އެރަށުގައި ދިރިއުޅުނު މީހުން އާބާދުކޮށްފައިވާ ރަށެވެ. މިގޮތުން 1997 ވަނަ އަހަރު ރާއްޖޭގެ މިނިސްޓަރ އޮފް އެޓޯލްސް އަބްދުالله ހަމީދު ށ.މާކަނޑޫދޫގެ ރައްޔިތުން އެހެން ތަނަކަށް ބަދަލުކުރުމުގެ މަޝްރޫއެއް ފެއްޓެވިއެވެ. އަދި 2004 ވަނަ އަހަރު ސުނާމީކާރިސާގައި މާކަނޑޫދޫއަށް ބޮޑެތި ގެއްލުންތަކެއް ލިބުމާ އެކު، އާބާދުކުރުމުގެ މަސައްކަތް އަވަސްކުރި އެވެ. މިލަންދޫއަކީ މީހުން ދިރިއުޅޭ ރަށެއްގެ ގޮތުގައި ސަރުކާރުން ރަސްމީކޮށް އިޢުލާންކުރީ 20 މާޗް 2005 ގައެވެ. 2140 އަށް ވުރެ ގިނަ މީހުން ދިރިއުޅޭ މި ރަށަކީ މިހާރު ށަވިޔަނި އަތޮޅުގެ ދެވަނައަށް އެންމެ އާބާދީ ބޮޑު ރަށެވެ. މިލަންދޫ އޮންނަނީ މާކަނޑޫދޫ އާއި ނަލަންދޫއާ ދެމެދު ށަވިޔަނި އަތޮޅުގެ އިރުދެކުނުން 06°17′05"N 73°14′36"E ގައެވެ. 126 ހެކްޓަރުހިމެނޭ މިލަންދޫއަކީ އެ އަތޮޅުގެ އެންމެ ބޮޑު ރަށެވެ.

ރަށުގެ މީހުން އާންމުކޮށް ކުރާ މަސައްކަތަކީ ދަނޑުވެރިކަމެވެ. ރަށުގައި "ސިކުނޑި ކުޅި" ކިޔާ ކުޅިއެއް އޮވެއެވެ. މުޅިއަތޮޅުންވެސް ސިކުނޑި ލިބެން ހުންނަނީ މިރަށުންނެވެ. ސިކުނޑިއަކީ ފަރުމަހުގެ މަސްވެރިކަމަށް ބޭނުންކުރާ އެމެކެވެ. ރާއްޖޭގެ އަތޮޅު ތަކުގައި އިމާރާތްކޮށްފައިވާ ސްކޫލްތަކުގެ ތެރެއިން އެންމެބޮޑު ސްކޫލުގެ ގޮތުގައި ފާހަގަކުރެވޭ ސްކޫލަކީ ށ. މިލަންދޫ ސްކޫލެވެ.

ށ. މިލަންދޫ

މިރަށަކީ މިއަތޮޅު މާކަނޑޫދޫގައި ތިމާވެށީގެ ގޮތުން ހުރި ދަތި އުނދަގޫތަކެއްގެ ސަބަބުން އެރަށުގައި ދިރިއުޅުނު މީހުން އާބާދުކޮށްފައިވާ ރަށެވެ. ރަށުގެ މީހުން އާންމުކޮށް ކުރާ މަސައްކަތަކީ ދަނޑުވެރިކަމެވެ. ރަށުގައި "ސިކުނޑި ކުޅި" ކިޔާ ކުޅިއެއް އޮވެއެވެ. މުޅިއަތޮޅުންވެސް ސިކުނޑި ލިބެން ހުންނަނީ މިރަށުންނެވެ. ސިކުނޑިއަކީ ފަރުމަހުގެ މަސްވެރިކަމަށް ބޭނުންކުރާ އެމެކެވެ. ރާއްޖޭގެ އަތޮޅު ތަކުގައި އިމާރާތްކޮށްފައިވާ ސްކޫލްތަކުގެ ތެރެއިން އެންމެބޮޑު ސްކޫލުގެ ގޮތުގައި ފާހަގަކުރެވޭ ސްކޫލަކީ ށ. މިލަންދޫ ސްކޫލެވެ.

1.      ސަރުކާރުގެ ފަރާތުން ހުށައަޅާ ކަންކަން

2.      ލޯކަލްގަވަރުމަންޓް އޮތޯރިޓީގެ ފަރާތުން ހުށައަޅާ ކަންކަން

3.      ކައުންސިލްގެ އިދާރާއިން ހުށައަޅާ ކަންކަން

ވާހަކަދެއްކުމުގެ ށ.އަތޮޅު މުބާރާތް 2024 ގެ ލަފާކުރާ ބަޖެޓާއި، އެ މުބާރާތް ހޯސްޓްކުރާނެ ރަށެއް ކަނޑައެޅުމާ ގުޅޭގޮތުން މަޝްވަރާކޮށް ގޮތެއް ނިންމުން

ށ.އަތޮޅުގެ ސްކޫލުތަކާއި، މިނިސްޓްރީ އޮފް އެޑިޔުކޭޝަނާ ގުޅިގެން ކުރިޔަށްގެންދިއުމަށް ހަމަޖެހިފައިވާ ށ.އަތޮޅު ސްކޫލުތަކުގެ ލީޑިންގ ޓީޗަރުންގެ ތަމްރީނު ޕްރޮގްރާމު ފުނަދޫގައި ބޭއްވުމަށްޓަކައި ބައިވެރިންގެ އެކަމަޑޭޝަންގެ ކަންކަން އަތޮޅުކައުންސިލުން ހަމަޖައްސައިދިނުމަށް ހުށަހަޅާފައިވާ ހުށަހެޅުމާ ގުޅޭގޮތުން މަޝްވަރާކޮށް ގޮތެއް ނިންމުން.

3.3    އޮޓޯޕޮޓް ފާމް ގާއިމުކުރާނެ ރަށެއް ކަނޑައެޅުން.

4.      ކައުންސިލަރުން ހުށައަޅުއްވާ ކަންކަން:

4.1 ބިނާވެށި ޕްލޭންކޮށް ހިންގުމުގެ ބިލު ތަސްދީގުކޮށްފައިވާތީ އެކަމާ ދެކޮޅު ހަދާ ޤަރާރު ފާސްކުރުމާ ގުޅޭގޮތުން މަޝްވަރާކޮށް ގޮތެއް ނިންމުން 

5.      އިދާރީ މައްސަލަތައް

5.1 މިލަދުންމަޑުލު އުތުރުބުރީ އަތޮޅުކައުންސިލުގެ 4ވަނަ ދައުރުގެ 106ވަނަ ޢާއްމު ޖަލްސާގެ ޔައުމިއްޔާ ފާސްކުރުން. 

6.      ވޯޓަށް އަހާ ކަންކަމަށް ވޯޓަށް އެހުން

ވޯޓަށް އަހަންޖެހޭ ހިސާބަށް ގެންދެވޭ މައްސަލަތަކަށް ވޯޓަށް އެހުން ކުރިޔަށްގެންދާނީއެވެ.

ށ.އަތޮޅުކައުންސިލުގެ 4ވަނަ ދައުރުގެ 108ވަނަ ޢާއްމު ޖަލްސާ

ފަރީ ޙައްޖު އެންޑް ޢުމްރާ ގުރޫޕުން ށ.އަތޮޅު ޤުރުއާން މުބާރާތް 2024" ސްޕޮންސަރގެ ގޮތުގައި ޢުމްރާ ދަތުރެއް ދޭގޮތަށް ނިންމަވާފައިވާތީ، މުބާރާތުގެ ޤަވާޢިދުގެ (16)ވަނަ މާއްދާ މުރާޖަޢާކޮށް ޢުމްރާ ދަތުރު ދޭނެ ވަނަތަކާ ގުޅޭގޮތުން މަޝްވަރާކޮށް ގޮތެއް ނިންމުން

އަތޮޅު ހޭންޑް ބޯޅަ މުބާރާތުގެ ޤަވާޢިދާ ގުޅޭގޮތުން މަޝްވަރާކޮށް ގޮތެއް ނިންމުން.

4.      ކައުންސިލަރުން ހުށައަޅުއްވާ ކަންކަން

          5.1 މިލަދުންމަޑުލު އުތުރުބުރީ އަތޮޅުކައުންސިލުގެ 4ވަނަ ދައުރުގެ 104، 105ވަނަ ޢާއްމު ޖަލްސާގެ ޔައުމިއްޔާ ފާސްކުރުން. 

‏           08 ސެޕްޓެންބަރު 2024

މުޙައްމަދު ޝިޔާމް 

އަޙްމަދު އަޚްސަން

އަޙްމަދު ރައިޝަމް

ޢަލީ ރަބީޢު

އިބްރާހީމް ޝާހިދު

ޢަލީ ރަޝީދު ޙަސަން

ޢަބްދުﷲ ޒިޔާދު

އަޙްމަދު ޢާޞިފް

މުޙައްމަދު މުސްތަރުސިދު

ޢަލީ މުޙައްމަދު

އާދަމް ސަލީމް

ޤުރުއާން މުބާރާތުގެ ޢުމްރާ ދަތުރު ދޭނެ ފަރާތެއް ކަނޑައެޅުން

މިލައުތުރު ހޭންޑްބޯލް މުބާރާތުގެ ޤަވާޢިދު ފާސްކުރުން

ށ.އަތޮޅު ޤުރުއާން މުބާރާތުގެ ދެ ގޮފިން އެންމެމަތީ ޕޮއިންޓް ލިބޭ ފަރާތަކަށް ޢުމްރާ ދަތުރު ދޭ ގޮތަށް ކަނޑައެޅުމަށް ނިންމުނެވެ. 

ށ.އަތޮޅު ހޭންޑް ބޯލް މުބާރާތުގެ ޤަވާޢިދު 2023ގެ 7ވަނަ މާއްދާގެ (ށ) މެޗުގެ ވަގުތު ހާފެއް 30 މިނިޓަށް ބަދަލުކޮށް އެ ޤަވާޢިދު ފާސްކުރެވުނެވެ. 

މިލަދުންމަޑުލު އުތުރުބުރީ އަތޮޅުކައުންސިލުގެ 4ވަނަ ދައުރުގެ 104، 105ވަނަ ޢާއްމު ޖަލްސާގެ ޔައުމިއްޔާ ފާސްކުރެވުނެވެ. 

ށ.އަތޮޅުކައުންސިލުގެ 4ވަނަ ދައުރުގެ 107ވަނަ ޢާއްމު ޖަލްސާ

ށ.އަތޮޅު އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކުގެ އަގުވަޒަންކުރުމުގެ އުޞޫލުގެ ދަށުން އިނާމަށް އެދި ހުށަހެޅި ޑަބްލިއުޑީސީތައް އިވެލުއޭޓްކޮށް އިވެލުއޭޝަން ކޮމެޓީން ހުށަހަޅާފައިވާ ރިޕޯޓާ ގުޅޭ މަޢުލޫމާތު ހިއްސާކުރުން.

19,539

19,539

ށ. ބިލަތްފަހި

ށ. ގޮއިދޫ

ށ. ފޭދޫ

ށ. ފީވައް

ށ. ފޯކައިދޫ

ށ. ފުނަދޫ

ށ. މާއުނގޫދޫ

ށ. މަރޮށި

ށ. ކޮމަންޑޫ

ށ. ކަނޑިތީމު

ށ. ޅައިމަގު

ށ. ނޫމަރާ

ށ. ނަރުދޫ

ށ. މިލަންދޫ

ފަހުގެ ޙަބަރުތަށް

ކައުންސިލްގެ ޙިދުމަތްތަށް

ނަފާވެހި އެކޮމަޑޭޝަންގެ ޙިދުމަތް

ދުވެލި ސްޕީޑްބޯޓުގެ ޙިދުމަތް

ޙަރަކާތްތަކުގެ ޚުލާސާ

ޖުމްލަ

ރޭވިފައިވާ

ކުރިއައްދާ

ނިމިފައިވާ

ފަހުގެ ޖަލްސާތަށް

ށ.އަތޮޅުކައުންސިލުގެ 4ވަނަ ދައުރުގެ 108ވަނަ ޢާއްމު ޖަލްސާ

ށ.އަތޮޅުކައުންސިލުގެ 4ވަނަ ދައުރުގެ 107ވަނަ ޢާއްމު ޖަލްސާ

ށ.އަތޮޅުކައުންސިލުގެ 4ވަނަ ދައުރުގެ 106ވަނަ ޢާއްމު ޖަލްސާ

ށ.އަތޮޅުކައުންސިލުގެ 4ވަނަ ދައުރުގެ 105 ޢާއްމު ޖަލްސާ

ށ.އަތޮޅު ކައުންސިލް އިދާރާ

ށ.އަތޮޅު ކައުންސިލް އިދާރާ