- ޖަމިއްޔާ ގްރާންޓްގެ ދަށުން މިހާތަނަށް މާލީ އެހީދެވިފައިވާ ޕްރޮގްރާމް/މަޝްރޫޢުތަކުގެ އަދާހަމަ ކައުންސިލާއި ހިއްސާކުރައްވައި މެންބަރުންގެ ޚިޔާލު ހޯއްދެވިއެވެ.

- ޖަމިއްޔާތަކަށް ދޫކުރެވޭ މާލީއެހީ އަދި އ.ތ.މ ކޮމެޓީތަކާ ގުޅިގެން ޕްރޮގްރާމު ހިންގުމަށް އަތޮޅުކައުންސިލުން ހިއްސާވާ ފައިސާ ދޫކުރުމުގައި ޢަމަލުކުރަމުންދާ އުޞޫލުގައި އިނިޝިއަލް ޕޭމަންޓުގެ ގޮތުގައި 50% ދޫކުރުމަށާއި، ފައިނަލް ޕޭމަންޓް ދޫކުރާއިރު ރަށުކައުންސިލްގެ ބަހަކާއެކު (ރިޕޯޓަކާއެކު) ދޫކުރާގޮތަށް ކަނޑައެޅުމަށް ނިންމުނެވެ.

• - ސުނާމީ އަދި ތަރައްޤީ ލޯނު ދޫކޮށްފައިވާ ފަރާތްތަކުގެ ތެރެއިން ފައިސާ ދޫކޮށްފައިނުވާ ފަރާތްތަކަށް މިހާރު ވެފައިވާ ޖޫރިމަނާތައް މަޢާފުކޮށް އެފަރާތްތަކާއެކު އަލުން އެއްބަސްވުމެއް އެކުލަވާލައި ފައިސާ ނެގުމުގެ މަސައްކަތް ކުރިޔަށްގެންދާގޮތަށް ކަނޑައެޅުމަށް ނިންމުނެވެ.

• - އޮޓޯޕޮޓް ގްރީންހައުސް ފާމިންގ ޕްރޮޖެކްޓަށް އިތުރަށް ފައިސާ ބޭނުންވާތީ، އެ ޕްރޮގްރާމަށް ބޭނުންވާ ފައިސާ ހަމަޖެއްސުމަށް އިދާރީގޮތުން ހުށަހަޅާފައިވާ ބަޖެޓް ކޮންޓްރޯލް ނަންބަރު (BCF)227-CA-BF./PRIV/2025/1 ފާސްކުރުމަށް ފެނެއެވެ.

• - މިލަދުންމަޑުލު އުތުރުބުރީ އަތޮޅުކައުންސިލުގެ 4ވަނަ ދައުރުގެ 119ވަނަ ޢާއްމު ޖަލްސާގެ ޔައުމިއްޔާ ފާސްކުރެވުނެވެ.