ޕްރޮގްރާމް ރޭވުމާއި އިދާރީ މަސައްކަތްތައް ކުރިއަށްދަނީ

1.3 ފަޅުރަށްތައް ހޯދައި އަތޮޅު ރައްޔިތުންގެ މަންފާއަށް ބޭނުންކުރުން

ށ.އަތޮޅު ކައުންސިލާއި ފުނަދޫ ކައުންސިލް ގުޅިގެން ބޭއްވި ޕަޑީ އޯޕަން ވޯޓަރ ޑައިވް ކޯސް ނިމިއްޖެއެވެ. މަސްވެރިންނަށާއި ޒުވާނުންނަށް އަމާޒުކޮށްގެން ބޭއްވުނު މި ކޯސް ކުރިޔަށް ގެންދެވުނީ 24 ޑިސެމްބަރ އިން 30 ޑިސެމްބަރއަށް ށ.ފުނަދޫގައެވެ.  ކޯހުގައި ޖުމްލަ 16 ބައިވެރިން ބައިވެރިވެފައި ވެއެވެ.

ށ.އަތޮޅު ކައުންސިލްގެ ފަރާތުން މަޢުލޫމާތު ދެއްވި ގޮތުގައި، މި ކޯހަކީ އަތޮޅުގެ ފަތުރުވެރިކަމުގެ ދާއިރާގައި މަސައްކަތްކުރުމަށް ޝައުޤުވެރިވާ ޒުވާނުންނާއި، މަސްވެރިކަމުގެ  ދާއިރާގައި މަސައްކަތްކުރަމުން ދާ  ޒުވާނުންގެ ހުނަރު އިތުރުކޮށް، ވަޒީފާގެ ފުރުޞަތުތައް އިތުރުކުރުމަށް ބޭއްވުނު ކޯހެކެވެ. މި ކޯހުގެ ހުރިހާ ބައިވެރިންގެ  ކޯސްފީ  ދައްކައި ދީފައި ވަނީ ށ.އަތޮޅު ކައުންސިލްގެ ބަޖެޓުންނެވެ.

މި ކޯހުގައި ކިޔަވައިދެއްވީ ޑައިވް ޑެސްކްގެ ތިން އިންސްޓްރަކްޓަރުން ކަމުގައިވާ އާދަމް އަޝްރަފުއާއި މުއްތު އަދި މިސްޓަރ ޔެލިންއެވެ. މި ކޯހުގެ ތިއަރީ ސެޝަންތައް ކުރިއަށް ގެންދިޔައީ މިލަދުންމަޑުލު އުތުރުބުރީ އަތޮޅު ވެހީގެ މީޓިން ހޯލްގައެވެ. އަދި ޕްރެކްޓިކަލް ސެޝަންތައް ކުރިއަށް ގެންގޮސްފައި ވަނީ ށ.ފުނަދޫގައެވެ.

ކޯހުގެ ބައިވެރިންނަށް ކަނޑުގެ ސަލާމަތާއި ރައްކާތެރިކަމާ ބެހޭ މުހިންމު މަޢުލޫމާތު ލިބިގެންދިޔަ ކަމަށް ކައުންސިލުން ފާހަގަކުރެއްވިއެވެ. އަދި މިފަދަ ކޯސްތައް ކުރިއަށް އޮތް ތަނުގައިވެސް ބޭއްވުމަށް ރޭވިފައިވާ ކަމަށް ކައުންސިލުން މަޢުލޫމާތު ދެއްވިއެވެ. އަދި މިފަދަ ކޯސްތަކުން އަތޮޅުގެ ރައްޔިތުންނަށް ގިނަގުނަ ފައިދާތަކެއް ކުރާނެ ކަމަށް އުންމީދުކުރައްވާ ކަމަށްވެސް ކައުންސިލްގެ ރައީސް ފާހަގަކުރެއްވިއެވެ.

ށ.އަތޮޅު ކައުންސިލާއި ފުނަދޫ ކައުންސިލް ގުޅިގެން ބޭއްވި ޕަޑީ އޯޕަން ވޯޓަރ ޑައިވް ކޯސް ނިމިއްޖެ

ށ.އަތޮޅު ކައުންސިލުގެ އަހަރީ ހަފުލާ 21 ޑިސެމްބަރ 2024ވަނަ ދުވަހުގެ ރޭ ބާއްވައިފިއެވެ. އަތޮޅު ކައުންސިލުގެ ރައީސް މުޙައްމަދު ޝިޔާމް ޝަރަފްވެރިކޮށް ދެއްވި މިހަފުލާގައި ހާޟިރީން އެންމެ ރަނގަޅު މުއައްޒަފުނަށް ހަނދާނީ ލިޔުން ދީފައިވެއެވެ. އަދި މީގެ އިތުރުން އަހަރުދުވަހުގެ މުއައްޒަފުންގެ މަސައްކަތަށް ބަލާ ކޮންމެ އަހަރަކު ދެމުންގެންދާ ވިޔަވަތި އެވޯޑަށް ހޮވުނު ފަރާތްތަކަށް އެވޯޑު ދީފައިވެއެވެ.

2024 ވަނަ އަހަރު ހުރިހާ ގޮތަކުން އެންމެ ރަނަގޅު މުވައްޒަފު ބިޒްނަސް ޑިވެލޮޕްމަންޓް އޮފިސަރ އައިޝަތު ޔަމްނާއަށް ލާމަސީލު މުވައްޒަފުގެ އެވޯޑު ލިބިފާއިރު، އެންމެ ޚިދުމަތްތެރި މުވައްޒަފުންގެ ގޮތުގައި ހޮވިފައިވަނީ ކައުންސިލް އޮފިސަރ އަގުލީމާ ޢަބްދުއްޞަމަދު އާއި ކައުންސިލް އޮފިސަރ އާމިނަތު މޫސާ އެވެ. އަދި ފަޅުވެރި އަބްދުﷲ ނަޢީމަށް ހީވާގި މުވައްޒަފުގެ އެވޯޑު ލިބިފައި ވާއިރު ހިތްމަތްތެރި މުވައްޒަފުގެ އެވޯޑު ލިބިފައިވަނީ ކައުންސިލް އޮފިސަރ ސާލިމް ޢަބްދުﷲ އާއި ކައުންސިލް އޮފިސަރ އަޙުމަދު ޢީސާ އަށެވެ.

އަތޮޅު ކައުންސިލުގެ މުވައްޒަފުންނާއި މުވައްޒަފުންގެ އާއިލާތަކުން ބައިވެރިވި މިހަފުލާގައި ކައުންސިލުގެ ރައީސް ދެއްކެވި ވާހަކަ ފުޅުގައި ށ.އަތޮޅުކައުންސިލުން ކޮންމެ އަހަރަކު ހޯދަމުންގެންދާ ކާމިޔާބީތަކުގެ ހަގީގީ ހިއްސާދާރުންނަކީ ކައުންސިލުގެ ހީވާގި މުއައްޒަފުންކަން ފާހަގަކޮށް ޝުކުރު އަދާކުރެއްވިއެވެ. އަދި އަތޮޅު ކައުންސިލަށް މިއަހަރުވެސް ލޯކަލް ގަވރމަންޓް އޮތޯރިޓީގެ ކަންގަތި އެވޯޑު ދިނުމުގެ ރަސްމިއްޔާތުގައި ސެކިއުރިޓީ އިންޑެކްސް އިން މުޅިރާއްޖެއިން 1 ވަނަ އަދި އަތޮޅު ކައުންސިލުތަކުން 2 ވަނައަށް އެންމެ ރަގަޅު ކައުންސިލަކަށް ހޮވިފައިވާތީ، މިކާމިޔާބީ ލިބުމުގައި އަތޮޅު ހުރިހާ މުއައްސަސާތަކުން ލިބެމުންދާ އެއްބާރުލުން ފާހަގަކޮށް ޝުކުރު އަދާކޮށްފައި ވެއެވެ.

މި 2024ވަނަ އަހަރުގެ އަހަރީ ހަފުލާ ބާއްވައިފި

ޔޫ.އެސް.އެއިޑްއާއި، އައި.އާރު.އައި އާއި އައި.ކޮމްއާއި މިއިދާރާއާއި ގުޅިގެން " އަމިއްލަ އިސްނެގުމުގައި މަޢުލޫމާތު  އާންމުކުރުމުގެ ޒިންމާއާއި ގުޅޭ ތަމްރީން ޕްރޮގްރާމް" ޑިސެމްބަރު 11އިން 12އަށް ށ.ފުނަދޫ އަތޮޅުވެހި މީޓިންގހޯލްގައި ކުރިއަށް ގެންގޮސްފިއެވެ.

މި ގޮތުން،  މިތަމްރީން ޕްރޮގްރާމްގައި ރަށުކައުންސިލްތަކުގެ ރައީސުންނާއި، ކައުންސިލްމެމްބަރުންނާއި،  ސެކްރެޓަރީ ޖެނެރަލްގެ އިތުރުން ކައުންސިލްތަކުގެ އިދާރީ މުވައްޒަފުން ހިމެނޭހެން ޖުމްލަ 37ބައިވެރިން ބައިވެރިވެ ތަމްރީންފުރިހަމަ ކުރައްވާފައި ވެއެވެ. ރަށުކައުންސިލްތަކުގެ މަސައްކަތުގެ ފެންވަރު ރަނގަޅު ޚިދުމަތްތަކެއް ފޯރުކޮށްދިނުމަށްޓަކައި، މިއިދާރާއާއި އިންފޮމޭޝަން ކޮމިޝަނާއިއެކު މިއަހަރު ބޭއްވޭ 2ވަނަ ތަމްރީން ޕްރޮގްރާމެކެވެ. 

މި ޕްރޮގްރާމްގެ މައިގަނޑު މަޤުޞަދަކީ  ށ.އަތޮޅުގެ ރަށުކައުންސިލްތަކަކީ މައުލޫމާތު ހޯދާލިބިގަތުގެ ހައްގުގެ ގާނޫނަށް އަހުލުވެރިބަޔަކަށްވުމާއި އެކު، ކައުންސިލްތަކުން ހާމަކުރަންޖެހޭ މަޢުލޫމާތުތައް ޒިންމާދާރު ގޮތެއްގައި ހާމަކުރާ ކައުންސިލްތަކަކަށް ވެގެންދިއުމެވެ.

މި ތަމްރީން ޕްރޮގްރާމްގައި އިންފޮމޭޝަން ކޮމިޝަންގެ އިތުރުން އައި.އާރު.އައިގައި އެންމެ އިސް ފަންތީގައި މަސައްކަތްކުރައްވާ ބޭފުޅުން ފެސިލިޓޭޓަރުންގެ ގޮތުގައި މަސަކަތް ކުރައްވާފައި ވެއެވެ. މީގެ ތެރޭގައި އިންފޮމޭޝަން ކޮމިޝަނަރ ބައިވެރިވެފައިވެއެވެ.

އަމިއްލަ އިސްނެގުމުގައި މަޢުލޫމާތު  އާންމުކުރުމުގެ ޒިންމާއާއި ގުޅޭ ތަމްރީން ޕްރޮގްރާމް ކާމިޔާބުކަމާއި އެކު ނިންމާލައިފި

ށ. ބިލެތްފައްސަކީ ޤުދުރަތީގޮތުންރީތި ބޮޑުފަޅަކާއި، ހިތްގައިމު ދޮންވެލި ތުނޑިއަކާ، މަލަފެހި ސާފު ރީތި ރަށެކެވެ. ރަށުގެ އާބާދީގައި

763 މީހުން ދިރިއުޅ ޭމިރަށަކ ީބޮޑުމިނުގައި 62.99 ހެކްޓަރ ހިމެނޭ ރަށެކެވެ. މިރަށުގައި ގްރޭޑ ް10ގެ ފެންވަރަށް ދެދަންފަޅިއަށް ކިޔަވައިދޭ ސްކޫލެއް ހުރެއެވެ. މިރަށުގެ ޞިއްޙީ މަރުކަޒުން 8 ގަޑިއިރު ޚިދުމަތް ދެމުން ދާއިރު ލެބޯޓްރީގެ ޚިދުމަތާއި، އަދި ޢާއްމުބަލިތަކާ ގުޅޭ ޓެސްތައް ހެދި ޑޮކްޓަރގެ ޚިދުމަތް ލިބެމުން ދެއެވެ. މިރަށުގެ ރައްޔިތުންނަށް ދަތުރުފަތުރުކުރުމަށް އާރ ޓީއެލް، ފެރީގެ ޚިދުމަތް ލިބެމުންދެއެވެ. ފެނަކަ ކޯޕަރޭޝަނުން ރަށުގެ ރައްޔިތުންނަށް 24ގަޑިއިރު ކަރަންޓްގެ ޚިދުމަތް ދެއްވަމުން ގެންދަވައެވެ. މިދެންނެވި ޚިދުމަތްތައް ރައްޔިތުންނަށް ފޯރުކޮށްދެއްވުމަށް ސިވިލްސަރވިސް މުވައްޒަފުންނާ ކޮންޓްރެކްޓް، ކުންފުނިތަކުގެ މުވައްޒަފުންނާއެކު ގާތްގަނޑަކަށް 115 މުވައްޒަފުން މަސައްކަތް ކުރައްވައެވެ.މިރަށަކީ އިޖްތިމާއީ ގޮތުންނާއި ރަށުގެ ތަރައްޤީއަށް ކުރެވޭ އެކި ކަންކަމުގައި ރަށުގެ ކައުންސިލާ ގުޅިގެން މަސައްކަތްކުރާ ގާނޫނާއި، ޤަވާއިދުތަކަށް ޙުރުމަތްތެރިކޮން ހިތާ އެއްބައިވަންތަ ރައްޔިތުން ދިރިއުޅޭ ރަށެކެވެ. 

ލާމަރުކަޒީ ޤާނޫނުގެ ދަށުން އުފެދިފާވާ ބިލެތްފަހީ ކައުންސިލްގައި 05 މެންބަރުންނާއި، އަންހެނުންގެ ތަރައްޤީއަށް މަސައްކަތް ކުރާ ކޮމެޓީގައި 5 މެންބަރުން ތިއްބަވައެވެ. އަދ ިސިވިލްސަރވިސް މުވައްޒަފުންނާއި، ކޮންޓެކްޓް މުވައްޒަފުން ހިމެނޭގޮތުން މިކައުންސިލްގައި 42 މުވައްޒަފުން މަސައްކަތް ކުރައްވައެވެ. މިރަށުގެ ރަށްވެހި އަދި ޘަޤާފީ މަސައްކަތެއްގެ ގޮތުގައި މަޝްހޫރުވެފާވަނީ ރުކުފަތި ވިޔުމުގެ މަސައްކަތެވެ. މިރަށުގެ ރައްޔިތުން އާމްދަނީ ހޯދުމަށް ކުރާ މައިގަނޑު މަސައްކަތަކީ ކިއްސަރުވަޑާންކުރުމުމެވެ. އަންހެނުން ކުރާ މައިގަނޑު މަސައްކަތަކީ ފަންގިވިނުމުގެ މަސައްކަތެވެ.

ށ.ބިލެތްފަހި

ރަށުގެ އިޤްތިޞާދު ބިނާވެފައިވަނީ، ކިއްސަރުވަޑާމުގެ މަސައްކަތުގެ މައްޗަށެވެ. މިރަށަކީ މުޅި އަތޮޅުން ކިއްސަރު ވަޑާމަށް އެންމެ މަޝްހޫރު ރަށެވެ. އަދި މުޅި އަތޮޅުގައިވެސް ރުކުފަތީގެ މަސައްކަތް ކުރާ ހަމައެކަނި ރަށަކީ މިރަށްކަން ފާހަގަކޮށްލެވެއެވެ. ރުކުފަތިން ހަދާ ތަކެތީގެ ތެރޭގައި ހަލަންޏާއި ބަތްޕޮޅި ހިމެނެއެވެ.

މިރަށަކީ ބިމުގެގޮތުން ބޮޑު، ރަށުގެ މަލަމަތި އުސް ރަށެކެވެ. މިރަށް މަޝްހޫރުވެފައިވަނީ، ދަނޑުވެރި ރަށެއްގެ ގޮތުގައެވެ. މިރަށުގައި، ރޭވުންތެރިކަމާއެކު ދަނޑުބިން ދޫކުރުމާއި، ބެލެހެއްޓޭނެ އިންތިޒާމުތަކެއް ރޭވިފައިވެއެވެ. މީގެ އިތުރުން، ކަނޑޫފާ ނުވަތަ ގޮއި، މިރަށުގެ އެއްކޮޅުގައި ބޮޑު ސަރަޙައްދެއްގައި އޮންނަކަން ފާހަގަކުރެވެއެވެ. ރަށުގެ ވަށައިގެން ހިނގޭނެގޮތަށް "ބީޗް ރޯޑް" ކިޔާ ބޮޑު މަގެއް މިރަށުގައި އޮވެއެވެ.

ށ. ގޮއިދޫ

ށ.ފޭދޫއަކީ ށ.އަތޮޅުގައި މޯހުން ދިރިއުޅޭ ރަށްތަކުގެތެރެއިން ރަށެކެވެ. ދިވެހިރާއްޖޭގެ އެހެން ރަށްރަށެކޭ އެއްފަދައިން މި ރަށަކީ ވެސް މުރަކައިގެ ދޮންވެލިން އުފެދިފައިވާ ޖަޒީރާ ރަށެކެވެ. މިރަށު މީހުން ދިރިއުޅުމަށްޓަކައި މައިގަނޑުގޮތެއްގައި ކުރާ މަސައްކަތަކީ މަސްވެރިކަމާއި، އިމާރާތްކުރުމުގެ މަސައްކަތާއި، ފަތުރުވެރިކަމުގެދާއިރާގެ މަސައްކަތެވެ. އަދި މީގެ އިތުރުން ކޮންމެވެސް ވަރަކަށް ދަނޑުވެރިކަންކޮށް އުޅެއެވެ. މިރަށުގައި ވިޔަފާރިކުރާ 13 ތަނާއި، 2 ސައިހޮޓަލާއި، 1 ފާމަސީ ހުރެއެވެ. މިރަށާއި ރާއްޖޭގެ ވެރިކަންކުރާ ރަށް މާލެއާއި ދެމެދު ހުންނަނީ 245.90 ކިލޯމީޓަރެވެ.

ފޭދޫ ކައުންސިލްގެ އިދާރާ

ފޭދޫ މެޖިސްޓްރޭޓް ކޯޓް

ފޭދޫ ފެނަކަ ބްރާންޗް

ފޭދޫ ސިއްޙީ މަރުކަޒު

ފޭދޫ ސްކޫލް

ށ. ފޭދޫ

މިރަށުގެ މީހުން ދިރިއުޅުމަށްޓަކައި ކޮށްއުޅޭ މަސައްކަތްތަކުގެ ތެރޭގައި، ފަތުރުވެރިކަމުގެ ދާއިރާގެ މަސައްކަތްތަކާއި މަސްވެރިކަމާއި ފަންގިވިނުމާއި އިމާރާތްކުރުމާއި ކިއްސަރުވަޑާމުގެ މަސައްކަތްތައް ހިމެނެއެވެ.

މިރަށަކީ ރާއްޖޭގެ އެހެން ރަށްތަކާ ޚިލާފަށް ތަފާތު ވައްތަރުގެ ދަނޑިޖެހުމުގެ އެކި ކުޅިވަރުތައް ކުޅޭ ރަށެކެވެ. 1990ވަނަ އަހަރާއި 2004 ވަނަ އަހަރު، ދަނޑުވެރިކަމުން ރާއްޖެއިން 1 ވަނަ ހޯދާފައިވެއެވެ. މިރަށުގައި 100 އަހަރަށްވުރެ ގިނަދުވަސްވެފައިވާ ނިކަ ގަހެއް ހުރެއެވެ.

ށ. ފީވައް

މިރަށަކީ ޞިއްޙީ މަރުކަޒެއް ޤާއިމުކުރެވި، ޑަކްޓަރަކާއި ނަރުހުންގެ ޚިދުމަތް 16 ގަޑިއިރަށް ލިބެމުންދާ ރަށެކެވެ. އަދި، 2015 ވަނަ އަހަރު އެންމެ ރަނގަޅު ކައުންސިލްގެ އެވޯޑުވެސް ހޯދާފައިވާރަށެވެ. މީގެއިތުރުން، މުޅި ރާއްޖެއަށް ހުޅުވާލައިގެން ބޭއްވި ޒޯން ޗެމްޕިއަންސް ލީގު ދެފަހަރު ކާމިޔާބުކޮށްފައިވާ، ފުޓްބޯޅައިގައި ފާހަގަކޮށްލެވޭ ރަށެކެވެ.

ށ. ފޯކައިދޫ

މިލަދުންމަޑުލުއުތުރުބުރީ މަރުކަޒީރަށް ށ.ފުނަދުއަކީ އަތޮޅުގެ އިރުމަތީ ބިތުގައިވާރަށެކެވެ. މިރަށް އޮންނަނީ އުތުރުން "53 '8  '6 ހުޅަގުން "26  '12  '73 ގައެވެ. މިހާރު ފުނަދޫގެ ބޮޑުމިނަކީ 120 ހެކްޓަރެވެ.  ށ.ޅައިމަގުގައި ހުރި ށ.އަތޮޅުއޮފީސް މިރަށަށް ބަދަލުކުރައްވާ 01 ޖެނުއަރީ 1968 ގައި މިރަށުގައި ށ.އަތޮޅު އޮފީހުގެ ދިދަނެގިގެން ދިޔައިރު މިރަށަކީ ފަޅުރަށެކެވެ. ނަމަވެސް އެތާރީޚުން ފެށިގެން މިރަށަކީ މީހުން ދިރިއުޅޭ ރަށެއް ކަމުގައި ސަރުކާރުން ހަމަޖައްސެވުމަށްފަހު ށ އަތޮޅު އޮފީސް މިރަށުގައި ހިންގަވަން ފައްޓަވައި، މިރަށަށް ހިޖްރަކުރުމުގެ ފުރުޞަތު އާންމުކޮށް ހުޅުވާލެއްވިއެވެ.

އެންމެ ފުރަތަމަ މިރަށަށް ހިޖްރަކުރީ 03 މާރޗް 1970 ގައި ނ. ބޮމަސްދޫގެ ރައްޔިތުންގެ ތެރެއިން ބައެކެވެ. އޭގެ ފަހުން ސަރުކާރުން ހިންގެވި އާބާދީއާއި  ތަރައްޤީއެއްފަސްކުރުމުގެ މަޝްރޫޢުގެ ދަށުން 2004 ވަނަ އަހަރު އޮގަސްޓްމަހުގެ ނިޔަލަށް ށ.ފިރުނބައިދޫގެ ހުރިހާ ރައްޔިތުން މިރަށަށް ބަދަލުކުރައްވާ މިރަށުގައި އާބާދުކުރެއްވިއެވެ. އަދި ށ މާކަނޑޫދޫ، ށ ނޫމަރާ، ށ. ކޮމަންޑޫ، ށ ޅައިމަގު އަދި ށ މާއުނގޫދޫ ރައްޔިތުންގެ ތެރެއިން މިރަށަށް ބަދަލުވާން އެދުނު ހުރިހާ ރައްޔިތުން 2009 ވަނަ އަހަރުގެ ނިޔަލަށް މިރަށަށް ބަދަލުކުރައްވާ މިރަށުގައި އާބާދުކުރައްވާފައިވެއެވެ.

މިރަށަށް ކުރިން ކިޔަމުން އައީ "ފަރުކޮޅު ފުނަދޫ" އެވެ. އެއީ މިރަށާއިއެއްފަޅެއްގެތެރޭގައި އެއްފަރަކުން ގުޅިފައިއޮންނަ ޤުދުރަތީ ގޮތުން މިރަށާއި އެއް ސިފަތަކެއް ލިބިފައިވާ ފަޅުރަށެއްކަމުގައިވާ "ށ.ފަރޮކޮޅާއި" ގުޅުވާފައެވެ. އެހެންނަމަވެސް އޭރު ކިޔެމުންއައި ނަން ''ފަރުކޮޅުފުނަދޫ'' މިނަމުން "ފުނަދޫ " މިނަމަށް ސަރުކާރުން ބަދަލުކުރައްވާފައިވަނީ 12 މާރޗް 1995ގައެވެ.

މީހުން ދިރިއުޅުމަށްޓަކައި މިރަށުން 610ގޯތި ދޫކުރެވިފައިވާއިރު އޭގެތެރެއިން މީހުން ދިރިއުޅެނީ 484 ގޯތީގައެވެ. މީހުން ދިރިއުޅުމަށް އެންމެފަހުން މިރަށުން ގޯތި ދޫކުރެވިފައިވަނީ 2013 ވަނަ އަހަރުއެވެ. 2023 ވަނަ އަހަރުގެ ޖުލައިމަހުގެ ނިޔަލަށް މިރަށުގެ އާބާދީއަކީ 1406 އަންހެނުންނާއި 1356 ފިރިހެނުނުންނާއިއެކު ޖުމްލަ 2762 މީހުންނެވެ.

ފުނަދޫގެ މީހުން ދިރިއުޅުމަށްކުރާ މައިގަޑު މަސައްކަތަކީ މަސްވެރިކަމެވެ. ފަރުމަހުގެ މަސްވެރިކަމަށް، ޚާއްސަކޮށް ހިބަރުގެ މަސްވެރިކަމަށް މިރަށަކީ މިސަރަޙައްދުން ފާހަގަ ކޮށްލެވޭ ރަށެކެވެ. އަދި މިރަށަކީ ސަރުކާރުގެ ގިނަ އޮފީސްތަކެއް ޤާއިމްކުރެވިފައިވާ ރަށަކަށްވާތީ ސަރުކާރުގެ ވަޒީފާގައި ގިނައަދަދެއްގެ މީހުންހަރަކާތްތެރިވެއެވެ. ބިމުގެ ދަތިކަން ކުރިމަތިވެފައިވީނަމަވެސް ދަނޑުވެރިކަން ކުރުމަށް ޝައުޤުވެރިވާ ފަރާތްތަކަށް އެމަސައްކަތްކުރުމަށްޓަކައި 36 ބިމެއް ރަށުން ދޫކުރެވިފައިވެއެވެ.

ފުނަދޫ ކައުންސިލްގެ އިދާރާ

ބޭންކު އޮފް މޯލްޑިވްސް ފުނަދޫ ބުރާންޗު

ށ.ފުނަދޫ އަތޮޅު ހޮސްޕިޓަލް

ފުނަދޫ ޕޮލިސް ސްޓޭޝަން

ފުނަދޫ ސްކޫލް

ފުނަދޫ އެއަރ ޕޯޓް

ށ.ފުނަދޫ މެޖިސްޓްރޭޓް ކޯޓް

ފުނަދޫ މީރާ ކަލެކްޝަން ސެންޓަރ

ލޭބަރ ރިލޭޝަަންސް އޮތޯރިޓީ

ފުނަދޫ ފެނަކަ ބްރާންޗް

  ފުނަދޫ ބްރާންޗް ޖެންޑާ އެންޑް ފެމިލީ ،ސޯޝަލް ސާރވިސެސް

ށ. ފުނަދޫ

މިލަދުންމަޑުލުއުތުރުބުރީ މަރުކަޒީރަށް ށ.ފުނަދުއަކީ އަތޮޅުގެ އިރުމަތީ ބިތުގައިވާރަށެކެވެ. މިރަށް އޮންނަނީ އުތުރުން "53 '8  '6 ހުޅަގުން "26  '12  '73 ގައެވެ. މިހާރު ފުނަދޫގެ ބޮޑުމިނަކީ 120 ހެކްޓަރެވެ.  ށ.ޅައިމަގުގައި ހުރި ށ.އަތޮޅުއޮފީސް މިރަށަށް ބަދަލުކުރައްވާ 01 ޖެނުއަރީ 1968 ގައި މިރަށުގައި ށ.އަތޮޅު އޮފީހުގެ ދިދަނެގިގެން ދިޔައިރު މިރަށަކީ ފަޅުރަށެކެވެ. ނަމަވެސް އެތާރީޚުން ފެށިގެން މިރަށަކީ މީހުން ދިރިއުޅޭ ރަށެއް ކަމުގައި ސަރުކާރުން ހަމަޖައްސެވުމަށްފަހު ށ އަތޮޅު އޮފީސް މިރަށުގައި ހިންގަވަން ފައްޓަވައި، މިރަށަށް ހިޖްރަކުރުމުގެ ފުރުޞަތު އާންމުކޮށް ހުޅުވާލެއްވިއެވެ. 

މިރަށު މީހުން އާމްދަނީ ހޯދުމަށް ކުރާ މައިގަނޑު މަސައްކަތަކީ މަސްވެރިކަމެވެ. މަސްވެރިކަމުން އާމްދަނީ ހޯދުމަށް ކުރާ މަސައްކަތްތަކުގައި ރަށުގެ އަންހެނުންގެ ޙިއްސާވެސް ބޮޑުކަން ފާހަގަކޮށްލެވެއެވެ. މީގެއިތުރުން ރޯނުވެށުމާއި، ފަންގިވިނުމުގެ މަސައްކަތް ކޮށްގެން ވެސް އަންހެނުން އާމްދަނީ ހޯދައެވެ. މިހާރު ރަށުގެ ޒުވާނުން އާމްދަނީ ހޯދުމަށް ފަތުރުވެރިކަމުގެ ދާއިރާގައި ވަޒީފާ އަދާކުރެއެވެ. މިރަށުގައި 500 ވަރަކަށް އަހަރުވެފައިވާ ކަމަށްބެލެވޭ ޙިމާޔަތްކޮށްފައިވާ އާދަޔާ ޚިލާފު ބޮޑު 9 ނިކަގަސް ހުރެއެވެ.

ށ. މާއުނގޫދޫ

މިރަށަކީ ރަށުގައި އުފައްދާ ކަރުހަކުރާއި، ރަށުގައި ހުރި ބޮޑު ކާނިގަހުގެ ސަބަބުން، ރާއްޖޭގެ ތާރީޚުން ޖާގަ ހޯދާފައިވާ ރަށެކެވެ. މިކާނިގަހަކީ ކަޅުއޮށްފުންމީގެ ރިޔާ ބޭއްވުމަށް ބޮޑުތަކުރުފާނު ޖެއްސެވި ތިން ކަޑައިގެ ތެރެއިން އެއް ކަޑައެވެ. މިގަހަކީ 450 އަހަރަށް ވުރެން ގިނަދުވަސްވެފައިވާ ތާރީޚީ ގަހެކެވެ. މިރަށު ކުޅިއަކީ، ބޮޑުތަކުރުފާނުގެ ޖިހާދުގެ ދަތުރުގައި ދުޝްމަނުންނަށް ފިލުމަށް ކަޅުއޮށްފުންމި ވަދެނުކުމެ އުޅުނު މަޝްހޫރު ނެރެވެ.

ށ. މަރޮށި

މިރަށު މީހުންގެ މައިގަނޑު މަސައްކަތަކީ މަސްވެރިކަމެވެ. މިރަށުގައި "ކޮމަންޑޫ ކިލާވަޅު" ކިޔާ ވަރަށް ޒަމާންވީ ވަޅެއް ހުރެއެވެ. މަޝްހޫރު ބޮޑުތަކުރުފާނު، ކަޅުއޮށްފުންމީގައި ދަތުރު ކުރެއްވިއިރު ދެކޮމަންޑޫ ދޭތެރެއިން ދަތުރު ކުރެއްވި ރޮނގު މިހާރުވެސް ދެކޮމަންޑޫ ދޭތެރޭގައި ފާހަގަވާ ގޮތަށް އެބައޮތެވެ.

ށ. ކޮމަންޑޫ

ތާނަ އަކުރު އެންމެ ފުރަތަމަ ފެށިފައިވަނީ ކަނޑިތީމު މިސްކިތުގެ ބެރިއަކުންނެވެ. މިރަށުގައި ހިމާޔަތްކުރެވިފައިވާ ގިނަދުވަސްވީ ދިއްގާ ގަހެއް ހުރެއެވެ. މިރަށުގައި "މެދުޒިޔާރަތް" ކިޔާ ޒިޔާރަތެއް ހުރެއެވެ. މިޒިޔާރަތަކީ، ކުރީ ޒަމާނުގައި ބަލި ކުދިން އެތަނަށް ގެންދިއުމުން ބަލި ފަސޭހަވާ ތަނެއްގެ ގޮތުގައި ބެލެމުން އައިސްފައިވާ ތަނެކެވެ. މިރަށުގެ ފަޅުތެރޭގައި އޮންނަ "ކުޑަދޫ" ކިޔާ ފަޅުރަށުގައި "ފީބޯ" ކިޔާ ވަޅުގަނޑެއް އޮވެއެވެ. މި ވަޅުގަނޑަކީ އަނދިރިއަނދިރިން ނިދަން ބޭނުންކުރި ތަނެކެވެ.

ށ. ކަނޑިތީމު

ޅައިމަގަކީ މިލަދުންމަޑުލު އުތުރުބުރީގެ އިރުދެކުނުން އަތޮޅުގެ އެތެރެވަރީގައި ފުނަދޫގެ ހުނޅަގުން ގާތްގަޑަކަށް 3 މޭލު ހުނޅަގުގައި އޮންނަ ރަށެކެވެ. މިއީ މިލަދުންމަޑުލުކިޔާ ޤުދުރަތީ އަތޮޅުގެ ރަށެކެވެ. ސިޔާސީގޮތުން ށ. އަތޮޅުގެ ރަށެކެވެ. މިރަށާއި މާލެއާއި ދެމެދުގެ ދުރުމިނަކީ ގާތްގަޑަކަށް 130 މޭލުއެވެ. ރަށުގެ ނަންބަރަކީ 280 އެވެ. މިރަށަކީ މެދުފަންތީގެ ރަށަކަށްވާއިރު ރަށުގެ ފަސްގަނޑުގައި ހިސާބަކަށް އަކިރި ހުރެއެވެ. ގިނައިން އޮންނަނީ ވެއްޔެއެވެ. ރަށްވަށައިގެންވެސް ރަށުގެ ދެކުނު ކޮޅުގައިނޫނީ ރީތި ދޮންވެލިގަނޑު އޮންނަ ރަށެކެވެ. މިރަށުގައި މިހާރުވަނީ 2006 ވަނައަހަރު 175×350 ފޫޓުގެ ފަޅެއް ސަރުކާރުން ހައްދަވާދެއްވާފައެވެ. މާލެދަތުރުކުރާ 1 ބޯޓާ، މަސްވެރިކަންކުރާ 1 މަސްދޯންޏާ، 9 ވަދުދޯންޏާ، ކައިރި ރަށްރަށަށް ދަތުރުކުރުމަށްޓަކާ 4 ސްޕީޑްލޯންޗާއި 6 ޑިންގީ އޮންނަ ރަށެކެވެ. މިރަށާ އެންމެކައިރީގައި މީހުންއުޅޭ ރަށަކަށްއޮތީ މިއަތޮޅުގައި ވެރިކަންކުރާރަށް ފުނަދޫއެވެ. މިރަށާ ފުނަދޫއާ ދޭތެރޭހުރީ ގާތްގަޑަކަށް 3 މޭލުއެވެ. މިރަށުގެ ދިގުމިނަކީ ގާތްގަޑަކަށް 2840 ފޫޓެވެ. ފުޅާމިނަކީ 2245 ފޫޓެއެވެ. މީޓަރުންނަމަ ދިގުމިނަކީ 850 މީޓަރެވެ. ފުޅާމިނަކީ 603 މީޓަރއެވެ. ހެކްޓަރއަކީ 43.54 ހެކްޓަރއެވެ. 2023 ވަނަ އަހަރުގެ ޑިސެމްބަރގެ ނިޔަލަށް ރަށުގެ އާބާދީއަކީ 437 ފިރިހެނުންނާއި 409 އަންހެނުންނެވެ. ރަށުގައި ކިޔަވައިދޭ ސްކޫލެއް ހުރެއެވެ. ސްކޫލްގައި ގްރޭޑް 10 ށް ކިޔަވައިދެއެވެ. ކުދިންނަށް ކިޔަވައިދިނުމަށްޓަކާ 22 ދިވެހި މުދައްރިސުންނާ 06 ބޭރުގެ މުދައްރިސުން ތިބެއެވެ. މީގެއިތުރުން ޕްރިންސިޕަލަކާއި 12 އޮފީސް ސްޓާފުން ސްކޫލްގައި ތިބެއެވެ. މީގެއިތުރުން މެޖިސްޓްރޭޓް ކޯޓާއި ޞިއްޙީމަރުކަޒަކާއި އިންޖީނުގެއަކާއި ދެމިސްކިތާއި އޭޖެންސީ ޕޯސްޓްއޮފީހަކާއި ވިޔަފާރިކުރާ 5 ފިހާރައާއި 2 ހޮޓާ މިރަށުގައި ހުރެއެވެ. ދިރިއުޅުމަށްޓަކާ މީހުންކުރާ މައިގަނޑު މަސައްކަތަކީ ރިސޯޓްތަކުގައި ވަޒީފާ އަދާކުރުމާއި މަސްވެރިކަންކުރުމާއި ގޯތިތެރޭގައި ދަނޑުވެރިކަންކުރުމާއި ފަންގިވިނުމެވެ. މިރަށުގެ މީހުން ޢާންމުކޮށް ބޯންބޭނުންކުރަނީ ވާރޭފެނާއި މިނެރަލް ވޯޓަރއެވެ. މިރަށަކީ 24 ގަޑިއިރު ކަރަންޓުގެ ޚިދުމަތް ލިބެމުންދާރަށެކެވެ. ކަރަންޓުގެ ޚިދުމަތް މިހާރު ފޯރުކޮށްދެމުން ގެންދަނީ ފެނަކަ ކޯޕަރޭޝަނުންނެވެ.މިރަށަކީ މިއަތޮޅުގެ އަތޮޅުވެރިކަން، 1 ޖަނަވަރީ 1968ގައި ފުނަދޫއަށް ބަދަލުވުމުގެ ކުރިން އަތޮޅުގެ ވެރިކަންކުރި ރަށެވެ. މިރަށުގެ ގަބުރުސްތާނުގައި ވަރަށް ދުވަސްވީ، ބޮޑެތި މަހާނަގާ ހުރެއެވެ. އަދި މިސްކިތު ތަރާގަނޑު ކިޔާ ތަނެއް އޮވެއެވެ. ރަށުގައި ބޮޑު 2 ނިކަގަސް ހުރެއެވެ. އަދި މަޝްހޫރު "ޅައިމަގު ފަގީރު" އޮޑިބަނތް ކަމަށް ބުނާ 2 އުސް ފަސްގަނޑުވެސް މިރަށުގައި ފާހަގަކުރެވޭ ތަނެއްގެ ގޮތުގައި ހިމެނެއެވެ.

މިލަދުންމަޑުލުއުރުބުރީ ޅައިމަގު ކައުންސިލް އިދާރާ

ޅައިމަގު ސްކޫލް

މިލަދުންމަޑުލު އުތުރުބުރީ ޅައިމަގު މެޖިސްޓްރޭޓް ކޯޓް 

ށ.ޅައިމަގު ޞިއްޙީމަރުކަޒު 

ޅައިމަގު އެކުވެރިންގެ ރޫޙް

ށ. ޅައިމަގު

މިރަށަކީ މިއަތޮޅުގެ އަތޮޅުވެރިކަން، 1 ޖަނަވަރީ 1968ގައި ފުނަދޫއަށް ބަދަލުވުމުގެ ކުރިން އަތޮޅުގެ ވެރިކަންކުރި ރަށެވެ. މިރަށުގެ ގަބުރުސްތާނުގައި ވަރަށް ދުވަސްވީ، ބޮޑެތި މަހާނަގާ ހުރެއެވެ. އަދި މިސްކިތު ތަރާގަނޑު ކިޔާ ތަނެއް އޮވެއެވެ. ރަށުގައި ބޮޑު 2 ނިކަގަސް ހުރެއެވެ. އަދި މަޝްހޫރު "ޅައިމަގު ފަގީރު" އޮޑިބަނތް ކަމަށް ބުނާ 2 އުސް ފަސްގަނޑުވެސް މިރަށުގައި ފާހަގަކުރެވޭ ތަނެއްގެ ގޮތުގައި ހިމެނެއެވެ.

މިރަށަކީ އަތޮޅު ފެންވަރުގައި ކިއްސަރު ވަޑާމަށް އެންމެ މަޝްހޫރު ރަށެވެ. ރާއްޖޭގެ އެކި ހިސާބުތަކުގައި މިހާރުވެސް މިރަށުގެ މާވަޑިން ބަނދެފައިވާ ގިނަ އޮޑިފަހަރު ހުރުމީ ރަށުގެ މާވަޑިންގެ ޤާބިލްކަން ދައްކުވައިދޭ އަދި ރަށަށް ލިބޭ ބޮޑު ފަޚުރެކެވެ. މިރަށުގައި ފަލަމަޑީގެ ބާވަތްތައް އިންދައިގެން ނުހެއްދިއަސް ފަލަމަޑީގެ ބާވަތްތައް ލިބެން ހުރެއެވެ. ނޫމަރާ ކަނޑަކީ، ވަރަށް ބިރުވެރި ކަނޑެއްގެ ގޮތުގައި ތާރީޚުގެ ފޮތްތަކުން އެނގެއެވެ. މިރަށުގެ ގޮނޑުދޮށުގައި ދެމޫސުމުގައި ދެކޮޅަށް ދުވާ ވެލިގަނޑެއް އޮވެއެވެ.

ށ. ނޫމަރާ

100 ސަތޭކަ އަހަރަށްވުރެ ގިނަދުވަސްވެފައިވާ، އާދަޔާޚިލާފު ގަހެއް މިރަށުގައި ޙިމާޔަތް ކުރެވިފައި ހުރެއެވެ. މިގަހުގައި އާދަޔާޚިލާފު ކަމެއް ފާހަގަކުރެވިފައިވެއެވެ. އެހެން ގަސްތަކާ ޚިލާފަށް މިގަހުގެ ގޮތްޕެއް ކަނޑާލުމުން، ހުދުކުލައިގެ ކިރު ނުވަތަ ދިޔައިގެ ބަދަލުގައި މިގަހުން އަންނަނީ ރަތްކުލައިގެ ލޭ، ފާޑުގެ އެއްޗެކެވެ. މިރަށު މީހުން އެގަހަށް ކިޔަނީ "ނަންނޭނގޭ ގަސް"، މިހެންނެވެ.

ށ. ނަރުދޫ

މިރަށަކީ މިއަތޮޅު މާކަނޑޫދޫގައި ތިމާވެށީގެ ގޮތުން ހުރި ދަތި އުނދަގޫތަކެއްގެ ސަބަބުން އެރަށުގައި ދިރިއުޅުނު މީހުން އާބާދުކޮށްފައިވާ ރަށެވެ. މިގޮތުން 1997 ވަނަ އަހަރު ރާއްޖޭގެ މިނިސްޓަރ އޮފް އެޓޯލްސް އަބްދުالله ހަމީދު ށ.މާކަނޑޫދޫގެ ރައްޔިތުން އެހެން ތަނަކަށް ބަދަލުކުރުމުގެ މަޝްރޫއެއް ފެއްޓެވިއެވެ. އަދި 2004 ވަނަ އަހަރު ސުނާމީކާރިސާގައި މާކަނޑޫދޫއަށް ބޮޑެތި ގެއްލުންތަކެއް ލިބުމާ އެކު، އާބާދުކުރުމުގެ މަސައްކަތް އަވަސްކުރި އެވެ. މިލަންދޫއަކީ މީހުން ދިރިއުޅޭ ރަށެއްގެ ގޮތުގައި ސަރުކާރުން ރަސްމީކޮށް އިޢުލާންކުރީ 20 މާޗް 2005 ގައެވެ. 2140 އަށް ވުރެ ގިނަ މީހުން ދިރިއުޅޭ މި ރަށަކީ މިހާރު ށަވިޔަނި އަތޮޅުގެ ދެވަނައަށް އެންމެ އާބާދީ ބޮޑު ރަށެވެ. މިލަންދޫ އޮންނަނީ މާކަނޑޫދޫ އާއި ނަލަންދޫއާ ދެމެދު ށަވިޔަނި އަތޮޅުގެ އިރުދެކުނުން 06°17′05"N 73°14′36"E ގައެވެ. 126 ހެކްޓަރުހިމެނޭ މިލަންދޫއަކީ އެ އަތޮޅުގެ އެންމެ ބޮޑު ރަށެވެ.

ރަށުގެ މީހުން އާންމުކޮށް ކުރާ މަސައްކަތަކީ ދަނޑުވެރިކަމެވެ. ރަށުގައި "ސިކުނޑި ކުޅި" ކިޔާ ކުޅިއެއް އޮވެއެވެ. މުޅިއަތޮޅުންވެސް ސިކުނޑި ލިބެން ހުންނަނީ މިރަށުންނެވެ. ސިކުނޑިއަކީ ފަރުމަހުގެ މަސްވެރިކަމަށް ބޭނުންކުރާ އެމެކެވެ. ރާއްޖޭގެ އަތޮޅު ތަކުގައި އިމާރާތްކޮށްފައިވާ ސްކޫލްތަކުގެ ތެރެއިން އެންމެބޮޑު ސްކޫލުގެ ގޮތުގައި ފާހަގަކުރެވޭ ސްކޫލަކީ ށ. މިލަންދޫ ސްކޫލެވެ.

ށ. މިލަންދޫ

މިރަށަކީ މިއަތޮޅު މާކަނޑޫދޫގައި ތިމާވެށީގެ ގޮތުން ހުރި ދަތި އުނދަގޫތަކެއްގެ ސަބަބުން އެރަށުގައި ދިރިއުޅުނު މީހުން އާބާދުކޮށްފައިވާ ރަށެވެ. ރަށުގެ މީހުން އާންމުކޮށް ކުރާ މަސައްކަތަކީ ދަނޑުވެރިކަމެވެ. ރަށުގައި "ސިކުނޑި ކުޅި" ކިޔާ ކުޅިއެއް އޮވެއެވެ. މުޅިއަތޮޅުންވެސް ސިކުނޑި ލިބެން ހުންނަނީ މިރަށުންނެވެ. ސިކުނޑިއަކީ ފަރުމަހުގެ މަސްވެރިކަމަށް ބޭނުންކުރާ އެމެކެވެ. ރާއްޖޭގެ އަތޮޅު ތަކުގައި އިމާރާތްކޮށްފައިވާ ސްކޫލްތަކުގެ ތެރެއިން އެންމެބޮޑު ސްކޫލުގެ ގޮތުގައި ފާހަގަކުރެވޭ ސްކޫލަކީ ށ. މިލަންދޫ ސްކޫލެވެ.

1.      ސަރުކާރުގެ ފަރާތުން ހުށައަޅާ ކަންކަން

2.      ލޯކަލްގަވަރުމަންޓް އޮތޯރިޓީގެ ފަރާތުން ހުށައަޅާ ކަންކަން

3.      ކައުންސިލްގެ އިދާރާއިން ހުށައަޅާ ކަންކަން

3.1    ށ.އަތޮޅުކައުންސިލުގެ 2024ވަނަ އަހަރު ހިންގުނު ޙަރަކާތްތަކުގެ ތަފްޞީލު ރިޕޯޓް ހިއްސާކުރުން

3.2    ށ.އަތޮޅުކައުންސިލުގެ 2025ވަނަ އަހަރުގެ މަސައްކަތު ތާވަލު ރިވައިޒްކުރުން.

4.      ކައުންސިލަރުން ހުށައަޅުއްވާ ކަންކަން:

5.      އިދާރީ މައްސަލަތައް

މިލަދުންމަޑުލު އުތުރުބުރީ އަތޮޅުކައުންސިލުގެ 4ވަނަ ދައުރުގެ 116ވަނަ ޢާއްމު ޖަލްސާގެ ޔައުމިއްޔާ ފާސްކުރުން 

6.      ވޯޓަށް އަހާ ކަންކަމަށް ވޯޓަށް އެހުން

ވޯޓަށް އަހަންޖެހޭ ހިސާބަށް ގެންދެވޭ މައްސަލަތަކަށް ވޯޓަށް އެހުން ކުރިޔަށްގެންދާނީއެވެ.

އަޙްމަދު އަޙްސަން

އަޙްމަދު ރައިޝަމް

ޢަލީ ރަޝީދު ޙަސަން

ޢަބްދުﷲ ޒިޔާދު

މުޙައްމަދު މުސްތަރުސިދު

ޢަލީ މުޙައްމަދު

އާދަމް އަޒްމީރު

މުޙައްމަދު ސިނާން

އަޙްމަދު އިބްރާހީމް ފުޅު

ޢަބްދުﷲ ޢާޠިފް

އާދަމް ސަލީމް

އަޙްމަދު ޢާޞިފް

ށ.އަތޮޅުކައުންސިލުގެ 2025ވަނަ އަހަރުަގެ މަސައްކަތު ތާވަލު ފާސްކުރުން

1- ށ.އަތޮޅުކައުންސިލުން 2024ވަނަ އަހަރު ހިންގި ޙަރަކާތްތަކުގެ ތަފްޞީލު ރިޕޯޓް ކައުންސިލް މެންބަރުންނާ ހިއްސާކުރެވުނެވެ. 

2- ށ.އަތޮޅު ކައުންސިލުގެ 2025ވަނަ އަހަރުގެ މަސައްކަތު ތާވަލު ރިވައިޒްކޮށް އިދާރީ ޔުނިޓުން ހުށަހަޅާފައިވާ ގޮތަށް ފާސްކުރުމަށް ނިންމުނެވެ.

3- މިލަދުންމަޑުލު އުތުރުބުރީ އަތޮޅު ކައުންސިލުގެ 4ވަނަ ދައުރުގެ 116ވަނަ ޢާއްމު ޖަލްސާގެ ޔައުމިއްޔާ ފާސްކުރެވުނެވެ. 

ށ.އަތޮޅުކައުންސިލުގެ 4ވަނަ ދައުރުގެ 117ވަނަ ޢާއްމު ޖަލްސާ

         3.1    ށ.އަތޮޅު ކައުންސިލުގެ 2025ވަނަ އަހަރުގެ ބަޖެޓް ފާސްކުރުން

ޢަބްދުﷲ ޢާޠިފް ށ. މިލަންދޫ ކައުންސިލުގެ އިދާރާ

 މިލަންދޫ އަދި މިލަންދޫ ދާއިރާގެ ރައްޔިތުންނަށް ގެދޮރު ޢިމާރާތްކުރުމަށް ބޭނުންވާ ދޮންވެލި ނެގުމުގައި ހުރި ގޮންޖެހުންތަކާ ބެހޭގޮތުން މަޝްވަރާކޮށް ހައްލު ހޯދުމަށް ކަމާ ގުޅުންހުރި މިނިސްޓްރީތަކާއި، އެޖެންސީތަކުގެ ސަމާލުކަމަށް މި މައްސަލަ ގެނައުން. 

މުޙައްމަދު ޝިޔާމް 

އިބްރާހީމް ޝާހިދު

ށ.އަތޮޅުކައުންސިލުގެ 2025ވަނަ އަހަރުަގެ ބަޖެޓް ފާސްކުރުން

އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު (2010/7)ގެ 90، 93ވަނަ މާއްދާގައިވާ ގޮތުގެމަތީން ތައްޔާރުކޮށް ހުށަހަޅުއްވާފައިވާ "ށ.އަތޮޅުކައުންސިލްގެ 2025ވަނަ އަހަރުގެ ބަޖެޓް" މި ޖަލްސާއަށް ހުށަހެޅުނު ގޮތަށް ފާސްކުރުމަށް ނިންމުނެވެ.

މިލަންދޫ ކައުންސިލްގެ ރައީސް 

ޢަބްދުﷲ ޢާޠިފް ހުށަހެޅުއްވި މިލަންދޫ އަދި މިލަންދޫ ދާއިރާގެ ރައްޔިތުންނަށް ގެދޮރު ޢިމާރާތްކުރުމަށް ބޭނުންވާ ދޮންވެލި ނެގުމުގައި ހުރި ގޮންޖެހުންތަކާ ބެހޭގޮތުން މަޝްވަރާކޮށް ހައްލު ހޯދުމަށް ކަމާ ގުޅުންހުރި މިނިސްޓްރީތަކާއި، އެޖެންސީތަކުގެ ސަމާލުކަމަށް މި މައްސަލަ ގެނައުމުގެ މައްސަލަ ކުރިޔަށްގެންދެވޭނެ ގޮތްތަކެއް ހޯދައި އިދާރީ މައްސަލައެއްގެ ގޮތުގައި ކުރިޔަށްގެންދިއުމަށް މެންބަރުންގެ ލަފާދެއްވުމުން ރިޔާސަތުން އެކަން އެގޮތަށް ކުރިޔަށްގެންދަވާނެ ކަމަށް ހިއްސާކުރެއްވިއެވެ. 

ށ.އަތޮޅުކައުންސިލުގެ 4ވަނަ ދައުރުގެ 116ވަނަ ޢާއްމު ޖަލްސާ

         3.1    ށ.އަތޮޅު ކައުންސިލުގެ 2025ވަނަ އަހަރުގެ ބަޖެޓާގުޅޭތުން މަޝްވަރާކުރުން.

          ވޯޓަށް އަހަންޖެހޭ ހިސާބަށް ގެންދެވޭ މައްސަލަތަކަށް ވޯޓަށް އެހުން ކުރިޔަށްގެންދާނީއެވެ.

‏          07‏ ޖަނަވަރީ‏ 2025

ށ.އަތޮޅު ކައުންސިލުގެ 2025ވަނަ އަހަރުަގެ ބަޖެޓުގެ ޕްރޮގްރާމުތައް މިހާރު ޑްރާފްޓްކުރެވިފައިވާ ގޮތުގެ ތަފްޞީލު މެންބަރުންނާ ހިއްސާކުރައްވައި ޖަލްސާ ކޮމެޓީ މަރުޙަލާއަށް ބަދަލުކުރައްވައި ބަޖެޓުގެ ވަކިވަކި ޕްރޮގްރާމުތަކާ ގުޅޭގޮތުން ބަހުސްކޮށް މެންބަރުންގެ މަޝްވަރާ ހޯދުނެވެ. އެގޮތުން އާމްދަނީ އިތުރުކުރުމަށް ކައުންސިލުގެ ނަމުގައި އިންވެސްޓްކުރުމާ ގުޅޭގޮތުންނާއި، ކައުންސިލް މެންބަރުންގެ ތަޖުރިބާ ދަތުރުގެ ޚަރަދުތަކުގެ ތެރެއިން މެންބަރުންގެ ޓިކެޓް ޚަރަދު ރަށުކައުންސިލުން ހަމަޖެއްސުމަށާއި، ފުޓްސަލް މުބާރާތް އޮކްޓޫބަރު 11ވަނަ ދުވަހު ފަށާގޮތަށް ހަމަޖެއްސުމަށާއި އެކްސްކަވޭޓަރ ބޭނުންވާ ރަށުކައުންސިލުތަކުން 2%ގެ އިންޓަރެސްޓުގައި އަތޮޅުކައުންސިލާއެކު އެއްބަސްވުމެއްގެ ދަށުން އަތޮޅުކައުންސިލުން އެ ތަކެތި ހޯދައިދޭގޮތަށް ބަޖެޓުގައި ހިމެނުމަށް މެންބަރުން ލަފާދެއްވާފައިވެއެވެ. 

ށ.އަތޮޅުކައުންސިލުގެ 4ވަނަ ދައުރުގެ 115ވަނަ ޢާއްމު ޖަލްސާ

         3.1    އިމިގްރޭޝަން ޚިދުމަތް ފެށުމާގުޅޭ ގޮތުން މަޝްވަރާކުރުން.

         3.2    2025 ވަނަ އަހަރުގެ ބަޖެޓާގުޅޭތުން މަޝްވަރާކުރުން.

         3.3    އަތޮޅުކައުންސިލާ ގުޅިގެން އެކި ފަރާތްތަކުން ހިންގާ ޕްރޮގްރާމްތަކާއި، އަތޮޅުކައުންސިލްގެ މާލީ އެހީތެރިކަމާއެކު ކުރިއަށް ގެންދާ މަޝްރޫޢުތަކުގެ ރިޕޯޓްތައް ޤަވާޢިދުން ހުށަހަޅަމުން ނުދާތީ، މި ކަމާ ގުޅޭގޮތުން އަޅަންޖެހޭ އިސްލާހީ ފިޔަވަޅުތަކާ ބެހޭގޮތުން މަޝްވަރާކޮށް ގޮތެއް ނިންމުން.

‏            29‏ ޑިސެމްބަރ‏ 2024

ޢަލީ ރަބީޢު

- ޕާސްޕޯޓުގެ ޚިދުމަތް ށ.އަތޮޅުކައުންސިލުގައި ފެށުމަށްޓަކައި މޯލްޑިވްސް އިމިގްރޭޝަނުން 3 މަސްދުވަހުގެ މުއްދަތަށް ފޮނުވާ 2 މުވައްޒަފުންގެ ހުރުމާއި ކެއުމުގެ ޚަރަދު އަތޮޅުކައުންސިލުގެ ބަޖެޓުގެ ތެރެއިން ހަމަޖައްސުމަށް ކަނޑައަޅައި މި ޚިދުމަތް ރައްޔިތުންނަށް އަވަހަށް ލިބޭނެ ގޮތަކަށް ކުރިޔަށްގެންދިއުމަށް ފެންނަކަމަށް ނިންމުނެވެ. 

-ށ.އަތޮޅުކައުންސިލުގެ 2025ވަނަ އަހަރުގެ ބަޖެޓާ ގުޅޭގޮތުން މަޝްވަރާކުރެވުނެވެ.

-އަތޮޅުކައުންސިލާ ގުޅިގެން އެކި ފަރާތްތަކުން ހިންގާ ޕްރޮގްރާމުތަކާއި، އަތޮޅުކައުންސިލުގެ މާލީއެހީތެރިކަމާއެކު ކުރިޔަށްގެންދާ މަޝްރޫޢުތަކުގެ ރިޕޯޓުތައް ހުށަހަޅަމުންނުދާތީ އެކަމާ ގުޅޭގޮތުން އަޅަންޖެހޭ އިޞްލާޙީ ފިޔަވަޅުތަކާ ގުޅޭގޮތުން ފުޅާދާއިރާއެއްގައި މަޝްވަރާކުރެވުނެވެ. 

19,686

19,686

ށ.ބިލެތްފަހި

ށ. ގޮއިދޫ

ށ. ފޭދޫ

ށ. ފީވައް

ށ. ފޯކައިދޫ

ށ. ފުނަދޫ

ށ. މާއުނގޫދޫ

ށ. މަރޮށި

ށ. ކޮމަންޑޫ

ށ. ކަނޑިތީމު

ށ. ޅައިމަގު

ށ. ނޫމަރާ

ށ. ނަރުދޫ

ށ. މިލަންދޫ

ފަހުގެ ޚަބަރުތަށް

ކައުންސިލްގެ ޙިދުމަތްތަށް

ނަފާވެހި އެކޮމަޑޭޝަންގެ ޙިދުމަތް

ދުވެލި ސްޕީޑްބޯޓުގެ ޙިދުމަތް

ޙަރަކާތްތަކުގެ ޚުލާސާ

ޖުމްލަ

ރޭވިފައިވާ

ކުރިއައްދާ

ނިމިފައިވާ

ފަހުގެ ޖަލްސާތަށް

ށ.އަތޮޅުކައުންސިލުގެ 4ވަނަ ދައުރުގެ 117ވަނަ ޢާއްމު ޖަލްސާ

ށ.އަތޮޅުކައުންސިލުގެ 4ވަނަ ދައުރުގެ 116ވަނަ ޢާއްމު ޖަލްސާ

ށ.އަތޮޅުކައުންސިލުގެ 4ވަނަ ދައުރުގެ 115ވަނަ ޢާއްމު ޖަލްސާ

ށ.އަތޮޅުކައުންސިލުގެ 4ވަނަ ދައުރުގެ 114ވަަނަ ޢާއްމު ޖަލްސާ

ށ.އަތޮޅު ކައުންސިލް އިދާރާ

ށ.އަތޮޅު ކައުންސިލް އިދާރާ