-ށ. އަތޮޅުކައުންސިލުގެ 2026ވަނަ އަހަރުގެ ބަޖެޓް، މި ޖަލްސާގެ ކޮމެޓީ މަރުޙަލާގައި މަޝްވަރާކޮށް ގެނެވުނު އިޞްލާޙުތަކާއެކު ފާސްކުރުމަށް ނިންމުނެވެ.

-މިލައުތުރު ފުޓްސަލް މުބާރާތުގެ ޤަވާޢިދަށް މި ޖަލްސާގެ ކޮމެޓީ މަރުޙަލާގައި ގެނެވުނު އިޞްލާޙުތަކާއެކު ފާސްކުރުމަށް ނިންމުނެވެ.

-ކަރަންޓް ކޯޑު އަދި އިމިގްރޭޝަން ޚިދުމަތް ފެށުމުގެ ޕްރޮގްރާމުގެ ޚަރަދުތައް ކުރުމަށް އިތުރަށް ފައިސާ ބޭނުންވާތީ އެ ކޯޑުތަކަށް ފައިސާ އިތުރުކުރުމަށް ހުށަހަޅާފައިވާ ބަޖެޓްކޮންޓްރޯލް، އިދާރީ ޔުނިޓުން ހުށަހަޅާފައިވާ ގޮތަށް ފާސްކުރުމަށް ނިންމުނެވެ.

-މޯލްޑިވްސް އިސްލާމިކް ބޭންކްގައި އިންވެސްޓްމެންޓް އެކައުންޓެއް ހުޅުވުމަށާއި، ކައުންސިލުގެ އާމްދަނީގައި ހުރި ފައިސާއިން ހަމިލިއަން ރުފިޔާ އިންވެސްޓްކުރާ ގޮތަށް ކަނޑައެޅުމަށް ފާސްކޮށް، އިސްލާމިކް ބޭންކަށް ފޮނުވަންޖެހޭ ލިއުންތަކުގައި ށ.އަތޮޅުކައުންސިލުގެ ރައީސް މުޙައްމަދު ޝިޔާމު އާއި، ސެކްރެޓަރީ ޖެނެރަލް މުޙައްމަދު ޙަސަން ސޮއިކުރާ ގޮތަށް ކަނޑައެޅުމަށް ނިންމުނެވެ.

-ޤައުމީ ޤުރުއާން މުބާރާތުގައި ބައިވެރިވުމަށާއި، އަތޮޅު ފުޓްސަލް މުބާރާތަށް އެހީތެރިކަން ހޯދުމަށް މާލެއަށް ކުރުމަށް ހަމަޖެހިފައިވާ ދަތުރުގައި ށ.އަތޮޅުކައުންސިލްގެ ރައީސް މުޙައްމަދު ޝިޔާމާއި، ސީނިޔަރ ކައުންސިލް އެގްޒެކެޓިވް މުޙައްމަދު ޙަމީދު ބައިވެރިކުރާ ގޮތަށް ކަނޑައެޅުމަށް ނިންމުނެވެ.

-އަތޮޅު ރައްޔިތުންގެ ބޭސްފިހާރަ 10 އަހަރު ދުވަހުގެ މުއްދަތަށް ކުއްޔަށް  ދޫކުރުމަށް ނިންމުނެވެ.

-ޤުރުއާން ކިޔެވުމުގެ 37ވަނަ ޤައުމީ މުބާރާތުގައި ބައިވެރިވުމާއި، މުބާރާތަށް ތައްޔާރުވުމާއި، އިންތިޒާމުތައް ހަމަޖެއްސުމާގުޅޭގޮތުން ފުޅާދާއިރާއެއްގައި މަޝްވަރާކުރެވުނެވެ.

-ށ.އަތޮޅުގެ އަންހެނުންގެ ތަރައްޤީއަށް މަސައްކަތްކުރާ ކޮމެޓީތައް ވަޒަންކުރެވުނު ގޮތުގެ މަޢުލޫމާތު ހިއްސާކުރެވުނެވެ.