-ށ.އަތޮޅު ވާހަކަދެއްކުމުގެ މުބާރާތަށް ހުރި ހުރަސްތަކާ ގުޅިގެން އެ ޕްރޮގްރާމު ކުރިޔަށްނުގެންދާ ގޮތަށް ނިންމައި، އެ ޕްރޮގްރާމަށް ކަނޑައެޅިފައިވާ 200,000 (ދެލައްކަ) ރުފިޔާގެ ތެރެއިން 50,000(ފަންސާސްހާސް ރުފިޔާ) ޤައުމީ ޤުރުއާން މުބާރާތުގައި ބައިވެރިވުމުގެ ޕްރޮގްރާމަށް ޚަރަދުކުރުމަށް ނިންމުނެވެ.

-އެމް.އެލް.ސީ.އޭގެ 2025ވަނަ އަހަރުގެ ޗަންދާ ފައިސާ ދެއްކުމަށް ބޭނުންވާ ވަރަށް ފައިސާ ބަޖެޓްކުރެވިފައި ނުވާތީ، އެ ކޯޑަށް އިތުރަށް ބޭނުންވާ ފައިސާ ހަމަޖެއްސުމަށް އިދާރީގޮތުން ހުށަހަޅާފައިވާ ބަޖެޓް ކޮންޓްރޯލް ނަންބަރު (BCF)227-CA-BF/PRIV/2025/7 ފާސްކުރުމަށް ނިންމުނެވެ.

-މިލައުތުރު ފުޓްސަލް މުބާރާތް ހޯސްޓްކުރުމަށް ހުށަހަޅާފައިވަނީ އެންމެ ރަށަކުން ކަމަށްވާތީ، މިއަހަރު ކުރިއަށް ހުރި ޕްރޮގްރާމްތަކުގެ ތެރެއިން އައި، ޑީ، ކާޑު ޚިދުމަތް ދިނުން، ކުނިމެނޭޖްކުރުމަށް މީހުން ހޭލުން ތެރިކަން ކުރުން، އަދި ވާހަކަދެއްމުގެ މުބާރާތް ކަނޑައެޅުނު ބަޖެޓްގެ  ތެރެއިން، ހޯސްޓްކުރާރަށަށް ކަނޑައެޅިފައިވަ 50000 ރުފިޔާ ، 200000 (ދެލައްކަ ރުފިޔާ) އަށް ބޮޑުކުރުމަށާއި، އަދި 300000 (ތިންލައްކަރުފިޔާ) މުބާރާތަށް ރަށްރަށުން ކުރާ ދަތުރުތަކަށް، ހޯސްޓްކުރާ ރަށާއި ރަށްރަށާ ދޭތެރޭ ހުރި ދުރުމިނަށް ބަލައިގެން ދޫކުރުމަށް ނިންމުނެވެ.

-އަތޮޅުކައުންސިލްތަކަކީ ބޭނުންނޫން އެއްޗެއް ކަމަށާއި، އަތޮޅުކައުންސިލް އުވާލާނެ ކަމަށް ދިވެހިރާއްޖޭގެ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އިޢުލާނުކުރައްވާފައިވާތީ، މި ކަމާގުޅޭގޮތުން ކައުންސިލުން ދެކޭގޮތް ހާމަކުރުމަށް ނެރޭ ބަޔާނުގައި ހިމަނާނެ ޕޮއިންޓުގެ ގޮތުގައި ޖަލްސާގެ ބަހުސްގައި ނާއިބުރައީސް އަޙްމަދު ޢާޞިފް ފާހަގަކުރެއްވި ޕޮއިންޓްތައް ހިމަނައިގެން އެފަދަ ބަޔާނެއް ނެރުމަށް ނިންމުނެވެ.

-އަތޮޅުކައުންސިލްތަކަކީ ބޭނުންނޫން އެއްޗެއް ކަމަށާއި، އަތޮޅުކައުންސިލް އުވާލާނެ ކަމަށް ދިވެހިރާއްޖޭގެ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އިޢުލާނުކުރައްވާފައިވާތީ، މި ކަމާ ގުޅޭގޮތުން ބ.އަތޮޅުކައުންސިލް އިދާރާއިން ސްޕްރީމްކޯޓަށް ހުށަހަޅާފައިވާ މައްސަލަ އަތޮޅުކައުންސިލުގެ ޤާނޫނީ ޓީމުން ދިރާސާކުރުމަށްފަހު އެމައްސަލައަށް ތަދައްހުލްވުމާ ގުޅޭގޮތުން ގޮތެއް ނިންމުމަށް ފެނެއެވެ.  

-މިލަދުންމަޑުލު އުތުރުބުރީ އަތޮޅުކައުންސިލުގެ 4ވަނަ ދައުރުގެ 128ވަނަ ޢާއްމު ޖަލްސާގެ ޔައުމިއްޔާ ފާސްކުރެވުނެވެ.