ތިމާވެށިގެ ދުވަސް 7 ޖޫން 2024 ވާ ހުކުރު ދުވަހު އަތޮޅުފެންވަރުގައި ފާހަގަކުރުމަށާއި، އެ ދުވަސް ފާހަގަކުރުން، އަމިއްލައަށް ޝައުޤުވެރިކަން ފާޅުކުރާ ރަށެއްގައި ބޭއްވުމަށް ދެ ދުވަހުގެ މުއްދަތެއް ދީ ފުރުޞަތު ހުޅުވާލުމަށާއި، އެ ގޮތުން ހުށަހެޅޭ ރަށްތައް އަތޮޅުކައުންސިލާ ހިއްސާކޮށް ރަށެއް ކަނޑައެޅުމަށް ނިންމުނެވެ.

ކައުންސިލުގެ ޖަލްސާއަށް ވަޑައިގަތުމަށް އުޒުރުވެރިވާ ބޭފުޅުންނަށް ޙާޟިރުނުވެވޭ ސަބަބެއްގެ ގޮތުގައި ބަލައިގަންނާނީ ކޮންމެ ޢާއްމު ޖަލްސާއެއްގެ އެޖެންޑާއާއެއްކޮށް ފޮނުވާ ގޫގްލް ފޯމު ފުރުއްވައި 30 މިނެޓެއް ހުށަހެޅުމުން ކަމަށާއި، އެއްވެސް ސަބަބަކާއެކު އެ ފޯމު ނުފުރޭ ޙާލަތެއް މެދުވެރިވެއްޖެނަމަ 30 މިނިޓްކުރިން އެސް.އެމް.އެސްއަކުން އެކަން ރައީސް، އެސްޖީ، ސެކްރެޓަރީއޭޓަށް އަންގާގޮތަށް ކަނޑައެޅުމަށް ނިންމުނެވެ.

މިލަދުންމަޑުލު އުތުރުބުރީ އަތޮޅުކައުންސިލުގެ 4ވަނަ ދައުރުގެ 95ވަނަ ޢާއްމު ޖަލްސާގެ ޔައުމިއްޔާ ފާސްކުރެވުނެވެ.