ޖަމިއްޔާތަކާބެހޭ ޤާނޫނު (2022/03) ދަށުން މޯލްޑިވްސް ލޯކަލް ކައުންސިލް އެސޯސިއޭޝަންގެ ނަމުގައި ޖަމްޢިއްޔާއެއް އުފެއްދުމަށް ކުރަންޖެހޭ އެންމެހައި މަސައްކަތްތަކަށް ފުރިހަމަ އެއްބާރުލުން ދިނުމަށާއި، ޖަމިއްޔާގެ މުއައްސިސެއްގެ ގޮތުގައި ބައިވެރިވެ އެކަމަށް އޮންނަ ހުރިހާ އިޖުރާޢަތްތަކަކަށް ފުރިހަމަކުރުމަށް އެއްވެސް އިޢުތިރާޒެއް ނުކުރާކަމަށާއި، މޯލްޑިވްސް ލޯކަލް ކައުންސިލްސް އެސޯސިއޭޝަން ރަޖިސްޓްރީ ކުރުމުގެ މަސައްކަތުގައި ފުރިހަމައަށް ބައިވެރިވުމަށް   ރައީސް ހުށަހެޅުއްވި ޤަރާރު ފާސްކުރުމަށް ނިންމުނެވެ.

މިއިދާރާގައި ކުރިން ބޭނުންކުރަމުން ދިޔަ ރަޖިސްޓްރީ ނަންބަރު B2A1032 (TOYOTA) ވޭނާއި، ރަޖިސްޓްރީ ނަންބަރު B1A1768 (PROTON) ކާރު ގިނަދުވަސްވެ ބާވުމުގެ ސަބަބުން އަހަރުން އަހަރަށް ކުރަންޖެހޭ ޚަރަދުތައް މަރާމާތުތައް ގިނަވެ އިދާރާއިން ކުރަންޖެހޭ ޚަރަދުތައް އިތުރުވަމުން ދާތީ ކާރާއި، ވޭން ސިޓީލާ ނީލަމުގައި ވިއްކާލުމަށާއި، ނީލަން ފެށޭއަގަކީ -/20000ރުފިޔާ ކަމުގައި ކަނޑައަޅައި، ފުރަތަމަފަހަރު އިތުރު ފަރާތަކުން އަގު ހުށަނާޅުއްވާނަމަ އެސް.އެމް.ޓީގައި މަޝްވަރާކޮށް އަގަށް ބަދަލުގެނެސްގެން ކުރިޔަށްގެންދިއުމަށް ނިންމުނެވެ.