-ޑަބްލިއު.ޑީ.ސީ އެހީދިނުމުގެ ޕްރޮގްރާމުގެ ދަށުން 2024ވަނަ އަހަރު ށ.މާއުނގޫދޫ ޑަބްލިއު.ޑީ.ސީ އާއެކު އެ އަހަރު ހިންގުމަށް އެހީ ދޫކުރެވިފައިވާ ބެލެނިވެރިންގެ ހިޔާގެ ޕްރޮޖެކްޓް އެއްބަސްވުމުގެ 3.1.6 ގައި ބަޔާންކޮށްފައިވާ ގޮތުގެމަތީން އެ ޕްރޮޖެކްޓަކީ ނުހިންގުނު ޕްރޮޖެކްޓެއް ކަމަށް ކަނޑައަޅައި، އެ ޕްރޮޖެކްޓު ހިންގުމަށް އަތޮޅުކައުންސިލުގެ ރައީސް ވެސް ވަރަށްގިނަ މަސައްކަތްތަކެއްކުރައްވައި ކުރިޔަށް ނުގޮސްވާ ކަމަށް ޑަބްލިއު.ޑީ.ސީގެ ރައީސްގެ ވާހަކައިން ވެސް އެނގޭތީ، އިތުރު ފުރުޞަތެއް ދީގެން ވެސް އެ ޕްރޮޖެކްޓް ހިންގޭނެކަމަށް ޤަބޫލުނުކުރެވޭތީ، އެ ކަމަށް ދޫކުރެވިފައިވާ ފައިސާ އަނބުރާ ގެންނަ ގޮތަށް ނިންމުނެވެ.

-ށ.އަތޮޅުކައުންސިލަރުންގެ ސްޓަޑީ ޓުއާ ކުރިޔަށްގެންދާނެ ގޮތަކާ ގުޅޭގޮތުން މަޝްވަރާކުރައްވައި، އޭޕްރީލް މަހުގެ ތެރޭގައި ދަތުރުކުރާގޮތަށް އިދާރީ ގޮތުން އިންތިޒާމުތައް ހަމަޖެއްސެވުމަށް މެންބަރުން މަޝްވަރާދެއްވިއެވެ.

-ށ.އަތޮޅުގެ ފަޅުރަށްތަކުގެ ތެރެއިން ކައުންސިލްތަކަށް ދޫކުރުމަށް ސަރުކާރުން ކަނޑައަޅުއްވާފައިވާ 3 ރަށާމެދު ޢަމަލުކުރާނެ ގޮތަކާމެދު އިތުރަށް ދިރާސާ ކުރަންޖެހޭ ކަމަށާއި، މި މައްސަލަ މަޝްވަރާ ބައްދަލުވުމަކަށް ގެންގޮސްގެން އިތުރަށް މަޝްވަރާކުރުމަށް މެންބަރުން ލަފާދެއްވިއެވެ.

-  ސަރުކާރުން ކައުންސިލްތަކަށް ފަޅުރަށްތައް ކުއްޔަށް ދޫކުރުމުގެ އުޞޫލުގެ ދަށުން ކޮމަންޑޫ ކައުންސިލަށް ށ. ގައްލައިދޫ ކުއްޔަށް ނެގުމަށް ބޭނުންވާ އަތޮޅުކައުންސިލުގެ އިޢުތިރާޟުނުކުރާ ކަމުގެ ލިއުން އެ ކައުންސިލުން އެދިފައިވާ ގޮތުގެމަތީން ދިނުމަށް ނިންމުނެވެ.

-މިލަދުންމަޑުލު އުތުރުބުރީ އަތޮޅުކައުންސިލުގެ 4ވަނަ ދައުރުގެ 118ވަނަ ޢާއްމު ޖަލްސާގެ ޔައުމިއްޔާ ފާސްކުރެވުނެވެ.