ވިޔަވަތި ޓްރަސްޓްފަންޑުގެ ބައެއް ކޯޑުތަކަށް އަހަރުގެ ނިޔަލަށް ބޭނުންވާ ފައިސާ އެ ކޯޑުގައި ނެތުމުން އެ ކޯޑަށް މަދުވާ ފައިސާ ހަމަޖެއްސުމަށްޓަކައި އިދާރީގޮތުން ހުށަހަޅާފައިވާ ބަޖެޓް ކޮންޓްރޯލް ފާސްކުރުމަށް ނިންމުނެވެ.

ރަށުކައުންސިލުތަކުން ބަލައިގަންނަ ފީތައް އޫރިދޫ އެމް ފައިސާ މެދުވެރިކޮށް ބަލައިގަތުމަށް ކުރަންޖެހޭ މަސައްކަތް ކުރުމަށް ނިންމުނެވެ.

ތަރައްޤީގެ ލުއިލޯނާއި، ސްނާމި ލޯނު ދޫކޮށްފައިވާ ފަރާތްތަކުގެ ތެރެއިން ލޯނަށް ދޫކޮށްފައިވާ ޢަދަދު ދައްކާފައިވާ ފަރާތްތަކުގެ ލޯނު ނިމުނު ކަމަށް ބަލައި އެ ފަރާތްތަކަށް ލޯނު ނިމުމު ކަމުގެ ލިއުން ޙަވާލުކޮށް، ނުދައްކާ ހުރި ފަރާތްތަކުގެ ފައިސާ ހޯދުމަށްޓަކައި މަސައްކަތްކުރުމަށް ނިންމުނެވެ.

ތަރައްޤީގެ ލުއިލޯނާއި، ސްނާމި ލޯނު ދޫކޮށްފައިވާ ފަރާތްތަކުން ފައިސާ ހޯދުމުގެ މަސައްކަތްކުރުމަށް އިދާރީ ކޮމެޓީއެއް އެކުލަވާލުމަށާއި، ފައިސާ ހޯދުމަށްޓަކައި ރަށުކައުންސިލުތަކުން އެ ފަރާތްތަކާ ވާހަކަދެއްކުމަށް 20 ދުވަހުގެ މުއްދަތެއް ދިނުމަށާއި، އެއަށްފަހު ރިއެގްރިމެންޓް ހެދުމަށްޓަކައި ކޮމެޓީން ކުރަންޖެހޭ މަސައްކަތްތައް ކުރުމަށް 20 ދުވަހުގެ މުއްދަތެއް ކަނޑައަޅައި، އެ އެގްރިމެންޓް ކައުންސިލުން ފާސްކޮށްގެން އެ ފަރާތްތަކާއެކު އެގްރިމެންޓްކުރާގޮތަށް ކަނޑައެޅުމަށް ނިންމުނެވެ.

ތަރައްޤީގެ ލުއިލޯނާއި، ސްނާމި ލޯނު ދޫކޮށްފައިވާ ފަރާތްތަކުގެ ތެރެއިން ލޯނަށް ދައްކަންޖެހޭ ޢަދަދު ދައްކައި ޚަލާޞްނުކުރާ ފަރާތްތަކުގެ އަތުން އަނބުރާ ފައިސާ ހޯދުމަށް މަސައްކަތްކުރާނީ ރިޕޯޓުތަކުން ނުނިމިހުރި ކަމަށް ދައްކާ ޢަދަދު ކަމުގައި ކަނޑައެޅުމަށް ފެނެއެވެ.