ށ.އަތޮޅު ކައުންސިލާއި، މިނިސްޓްރީ އޮފް ފިނޭންސާ ގުޅިގެން ދައުލަތުގެ ޕްރޮކިއުމެންޓް ނިޒާމަށް އަހުލުވެރިކުރުމުގެ ތަމްރީނު ޕްރޮގްރާމެއް ބާއްވައިފިއެވެ.

މި  އޮގަސްޓު މަހުގެ 6 ން 7 އަށް އަތޮޅުކައުންސިލުގެ އަތޮޅުވެހި 2ގެ ކޮންފަރެންސް ހޯލުގައި ކުރިޔަށްގެންދެވުނު މި މަސައްކަތު ބައްދަލުވުމުގައި ޕްރޮކިއުމެންޓުގެ ޢާއްމު ބައިތަކާއި، ވައްތަރުތަކާއި، ޕްރޮކިއުމެންޓެއް ކުރިޔަށްގެންދިއުމާ، އިވެލުއޭޝަން އަދި ވަކި ފަރާތަކާ ޙަވާލުކުރަން ނިންމުމާއި، ބީލަމާބެހޭ މައްސަލަ ބެލުމާއި، ކޮންޓްރެކްޓް ޙަވާލުކުރުމާއި، އެއްބަސްވުމަށް ބަދަލުގެންނައުމާ ގުޅޭގޮތުންނާއި، ކޮންޓްރެކްޓް ހިންގުން އަދި އެޑްވާންސް ޕޭމަންޓާ ގުޅޭގޮތުންނާއި، ނިމޭ މަސައްކަތްތަކަށް އަގުދިނުމާއި، މަސައްކަތްތައް ބަލައިގަތުމާ ގުޅޭގޮތުންނާއި، ލިކިއުޑޭޓެޑް ޑެމޭޖަސް އަދި ރިޓެންޝަން އަދި އެއްބަސްވުމާ ޚިލާފުވުން އަދި ބީލަންވެރިންނާ މެދު ފިޔަވަޅުއެޅުމާއި، ޕޯސްޓް ވޯކްޝޮޕް އިވެލުއޭޝަންއާ ގުޅޭގޮތުން ބައިވެރިންނަށް މަޢުލޫމާތު ދިނުމުގެ އިތުރުން، ހުއްދަދޭ ފަރާތްތައް ކަނޑައެޅުމާއި، ބީލަމުގެ މަރުހަލާތަކާއި، ސެކިއުރިޓީ އަދި ގެރެންޓީ އާ ގުޅޭ މަސައްކަތްތަކާއި، ކޮންޓްރެކްޓް މެނޭޖުމަންޓާ ގުޅޭގޮތުން ބައިވެރިން ޢަމަލީގޮތުން މަސައްކަތްކޮށްފައިވެއެވެ.

މި އަތޮޅުގެ 14 ރަށު ރަށުކައުންސިލުންނާއި، އަތޮޅުކައުންސިލުން ޖުމުލަ 39 މުވައްޒަފުން ބައިވެރިވި މި މަސައްކަތު ބައްދަލުވުން ފެސިލިޓޭޓް ކޮށްދެއްވާފައިވަނީ ފިނޭންސް މިނިސްޓްރީގެ ކަމާގުޅޭ ދާއިރާގެ މުވައްޒަފުންނެވެ.

ރަށުކައުންސިލުތަކުގެ ޕްރޮކިއުމެންޓް ނިޒާމާއި، ބީލަމާ ގުޅޭ ކަންކަން ހަރުދަނާކުރުމުގެ މަޤްޞަދުގައި ރަށްރަށުގެ އެސްޖީންނާއި، ޕްރޮކިއުމެންޓުގައި މަސައްކަތްކުރާ މުވައްޒަފުންނަށް އަމާޒުކޮށްގެން ކުރިޔަށްގެންދެވުނު މި މަސައްކަތު ބައްދަލުވުމަކީ މި އަހަރުގެ ށ.އަތޮޅުކައުންސިލުގެ ބަޖެޓުން ޚަރަދުކޮށްގެން ހިންގުނު ޕްރޮގްރާމެކެވެ.