ތައާރަފާއި މަޤުސަދު

ސެޕްޓެމްބަރ 19އިން 21އަށް ށ.އަތޮޅު ޤުރުއާން މުބާރާތްވަނީ ގެންދެވިފައެވެ. ނިމިދިޔަ 2022 އަދި 2023 ވަނަ އަހަރެކޭ އެއްފަދައިން މިއަހަރުވެސް މި މުބާރާތް ބޭއްވުނީ ށ.ފުނަދޫގައެވެ. 12 ސްކޫލަކުން މި މުބާރާތުގައި ބައިވެރިވެފައިވާއިރު މިއީ މިހާތަނަށް އެންމެ ގިނަ ދަރިވަރުން މި މުބާރާތުގައި ބައިވެރިވެފައިވާ އެއް އަހަރުކަން ފާހަގަ ކޮށްލެވެއެވެ. ޖުމްލަ 105 ދަރިވަރުންގެ ބައިވެރިވުމާއެކު ކުރިއަށް ގެންދެވުނު މި މުބާރާތުގެ ފަޚުރުވެރި އެއްވަނަ ޙާޞިލު ކޮށްފައިވަނީ މިލަންދޫ ސްކޫލުންނެވެ. އަދި ދެވަނަ ސްކޫލްގެ މަޤާމު ފޭދޫ ސްކޫލުން ހޯދާފައިވާއިރު ތިންވަނަ ސްކޫލްގެ މަޤާމުވަނީ ބިލެތްފަހި ސްކޫލްއިން ހޯދާފައެވެ.